1022 hPa
66 %

8 °C
Скопје - Чет, 13.02.2025 16:59
Утре (4 декември, среда) со почеток од 19 часот во Градската библиотека „Браќа Миладиновци” во Скопје ќе се одржи разговор со писателката Ана Голејшка Џикова, авторка на стихозбирката „Слобода А“ - книга за месец декември во библиотеката.
Разговорот со Ана Голејшка Џикова е дел од големата кампања на Градската библиотека „Браќа Миладиновци” „Читаме современи македонски автори”, во чии рамки нејзината стихозбирка „Слобода А“ е книга за месец декември во библиотеката.
„Слобода А“ е „истовремено исполнета со љубов и страв од неизвесност, погодена од реални проблеми и притисоци под кои сите сме натиснати: живот во пандемија, под влијание на пропаганди и општа хистерија, притисоци што повторно ја будат бунтовничката во Ана, онаа што единствено може да живее од и за слободата“ пишува во поговорот Снежана Стојчевска.
Разговорот со Голеjшка ќе го води книжевната критичарка Александра Јуруковска, а стихови ќе интерпретира актерот Андреј Срафимовски.