Сѐ е лесно кога е невозможно

Неизвесноста предизвикува наеднаштија.

Спијам на евтина струја.

Се греам на активен јаглен.

Почни да пливаш во мизеријата, да го навикнеш телото.

Ако немаат вода, нека се плакнат на зелен бран.

Карактерот ми е цврст пошо е од лиени солзи.

Не би да кревам паника, ама мислам дека издишувам од негде.

Ќутам за да траам.

Прашувам 'до кога вака?' ко да нема утре.

Може правам работи ради реда, ама барем се прекрасни. Извонрадиредни!

Сѐ е лесно кога е невозможно.

5 до 12 ми е, двор ми е.

Сите само нешто почнуваат. Секоја чест на заклучоците.

Баш ме нервира кога филмот што сум заборавила дека го гледам ми ги прекинува рекламите.

Ако не можеш да застанеш на рамењата на џинот, качи му се на глава.

Пробав да му се отворам и ми излезе душата.

Таман ја најде иглата во сеното, сфати дека му фали даска.

Толку е убава што ни шминка не може да ѝ ја покрие убавината.

Ако сите носиме маски, ќе си заличиме.

На сета работа и стресови и рокови и сѐ, најдов време и да стареам, свака ми част.

Колажи: Weronika Gesicka