Сплет

Пред еден ѕид варосан, бел,
кој бескраен ништо не ни брани
да го замислиме, застана човек што кани
целиот свет да го исцрта со потег смел
и да го претстави со таа површина:
вратите и вагите, мастилата и библиотеките,
ангелите, Уксмал, пеколите, лавиринтите,
сидрата и бескрајот, ништото и сета прашина.
Со облици ѕидот го полни. Судбата спора,
чии необични подароци никогаш не се шкрти,
ја круниса таа уметничка работа велика:
Во мигот кога да умре мора
тој открива дека целиот сплет од црти
на лицето негово всушност е само слика.

Превод: П. В.