Две принцези од царството Нека Нека

Две принцези

од царството Нека Нека

чекаат принц два века.

Мрежа нема,

не можат да се јават,

се туфкаат и не знаат

што да прават.

Гулаб да се прати,

дали ќе се врати?

Гласник ако оди,

кој ли ќе го води?

Мудрецот го нема,

многу пари зема.

А почна и рушвет згора!

Да се прати абер мора

по желката и двата ежа

час поскоро да дојде мрежа!

Нека нека, ќе се чека,

ако мора, и до три века!

И чекаа така

принцезите од царството

Нека Нека

уште цели пет века.

Илустрации: Елизабета Костова