„Желба“ - фотографии од промоцијата на сликовницата

На 26-ти април 2025 во Кинотека се одржа промоција на краткиот анимиран филм и сликовницата „Желба“ на Ирена Поповска.

Анимираниот филм ја следи животната патека на едно момче во количка кое посакува да летне во вселената. И кое кога една вечер ќе види ѕвезда што паѓа си замислува желба да стане астронаут.

Сликовницата е приказна за мечтите, соништата, (над)реалноста, возвишеноста, (при)земноста, истрајноста, науката, волјата, ѕвездите, копнежите, надежите, стремежите…

Сценариото и текстот се на Ирена Поповска, а анимацијата и илустрациите се на Верица Тенекеџиева. Верица е дипломирана аниматорка и ова е нејзин прв самостоен анимиран филм. На Ирена ова ѝ е втора сликовница со специфична тематика.

Настанот го фотографираше Матеј Јуруков.

 Фотографии: Матеј Јуруков