Метафорите на премиерот се бесмислени

Пишувајќи текст на Нулта за говорот на омраза и манипулативните говори, за поттикнување на ниски страсти кај гласачите, најдов текст од триесетина реда на еден портал што зборува за вокабуларот на премиерот, на кој потоа има точно 675 коментари во кои му предлагаат како да ги нарекува овие од опозицијата. Од карциноми до гниди.

Всушност, метафорите на премиерот се бесмислени, ги лупа од ракав и прво што ќе му падне на памет, со оглед на својот ограничен вокабулар. Не е ни прв ни последен, но му успева да ја постигне целта - да се сврти вниманието.

Во меѓувреме, продолжуваме да живееме хаос и понижување на секој план. Законот се крши, се назначуваат на функции луѓе што оваа држава и понатаму ќе ја влечат во пропаст. Доаѓаат и локалните избори на кои никој нема да гледа во биографиите на таквите бизнисмени како Папазов, кој сега е во затвор.

Кога нема акција има агитација.

Офелија Димковска, Фејсбук, 12.04.25.