По патот на песната

Сцената остана празна
уште само сенки
од артистите се движеа
некако загубено
како да ги бараа заталканите
зборови на неизречените песни.

Писателката во партерот
сѐ уште седеше и сакаше
повторно да го види артистот
што ја кажуваше нејзината песна.

Шеташе со погледот низ празната сцена
само сенки гледаше
„барем да ја откријам неговата“
благ топол здив врз лицето и пролета
се обѕрна до неа седеше артистот
и рече подготвен сум да ја кажам
твојата последна песна.

Поетесата му ја кажа
нејзината последна песна:
Многу поминав, а малу ми остана
тоа малу тебе ти го подарувам.

Го бакна во окото и замина
во партерот немаше никој
утредента во весниците
и на телевизиите беше објавена вест
за нејзиното исчезнување.