Прво па женско #13

Со особена чест и задоволство ве покануваме да го проследите пролетниот програмски блок на тринаесетото издание на Фестивалот за феминистичка култура и акција ПРВО ПА ЖЕНСКО, што ќе се случува на 30 и 31 мај и на 5, 12, 14 и 17 јуни во Киното на Железничката зграда на ул. Борка Талески 26, во Младинскиот културен центар, Кафе книжарницата БУКВА и во КСП Јадро во Скопје.

Овогодинешното ПРВО ПА ЖЕНСКО, втемелено во концептот на колективното ослободување, нѐ потсетува дека во ослободувањето од неофеудалната реалност¹ во која живееме, сите имаме улога, дека нашата разнообразност е нашата клучна предност и дека нашите борби не се само меѓусебно поврзани, ами зависат една од друга.

Нема ослободување додека не бидат слободни сите исклучени, замолчени, протерани, угнетени и потчинети.
Никој нема да дојде да нѐ спаси.
Ќе се спасиме само едни со други.

Годинава ПРВО ПА ЖЕНСКО е поддржанo од Фондацијата Квина тил Kвина (Kvinna till Kvinna Foundation), Глобалниот фонд за жени (Global Fund for Women) и Фондот за Еднаквост (Equality Fund), а пролетниот програмски блок се реалзира во соработка со KINO UNSEEN од Хрватска и локалните партнери Факултет за работи што не се учат FR~U и нивната Лабораторија за просторно изведувачки практики ГРАДОТ КАКО СЦЕНА, Фестивалот за квир уметност и култура СКОПЈЕ ПРАЈД ВИКЕНД и фестивалот ПЕРФОРМАНС ПЛАТФОРМА на Локомотива.

Подолу споделуваме деталните информации за пролетната програма на ППЖ#13, а кон крајот на летото следуваат детали за есенскиот програмски блок.

Ќе ни биде исклучително драго доколку ни се придружите и со вашето присуство го збогатите и овогодинешното ПРВО ПА ЖЕНСКО.

Во солидарност,
Тиииит! Инк. и тимот на ППЖ#13

(1) Jodi Dean, Capital's Grave: Neofeudalism and the New Class Struggle, 2025

**********************************

30 мај, Кино на Железничката зграда, 19:30 часот
Филмска програма во соработка со KINO UNSEEN
Претставување Диви Архивист(к)и (Archivistas Sаlvajes, CU), колектив посветен на зачувување на архивите на нехегемонските и маргинализирани слики (имиџи)

Проекција на Туберкулозата // La Tísica - Tulio Raggi, 10' (1964), Перез // Perrez - Armando Pintado, 25' (1981), Стогодишна традиција / Una tradición centenaria - Miguel Secades, Rudis Reyes y Rafael Torres, 12' (1990), Јатото // La bandada - Jorge Proenza, 16' (1989) и Очигледно јаделе швајцарско чоколадо // Evidentemente comieron chocolate suizo - Manuel Marzel, 13' (1991)

31 мај, Кино на Железничката зграда, 19:30 часот
Филмска програма во соработка со KINO UNSEEN
Разговор на Карла Црнчевиќ и Сима Кокотовиќ за Југословенските кино клубови

Проекција на Град во излог // Grad u izlogu - Tatjana Ivančić, 6' (1969), Добро старо весло // Dobro staro veslo - Tatjana Ivančić, 5' (1976), Жемско // Žemsko - Tatjana Dunja Ivanišević, 6' (1968), Плејади // Plejade - Mateja Zidarić, 12' (2021) и Места кои не постојат // Mjesta koja ne postoje - Josipa Heizelman, 8' (2022)

5 јуни, Младински културен центар, 20:30 часот
Споделeна програма со СКОПЈЕ ПРАЈД ВИКЕНД
„Колку добро се покажа денес“, перформанс на Алма Гачанин (БиХ)

12 јуни, Кафе книжарница Буква, 12 часот
Дискурзивна програма | „Ткаење солидарност - од раце до срце: обмислување на заедништвото преку женското кооперативно здружување“,
Претставување на истражувањето за женските кооперативи и дискусија

14 јуни, КС Центар Јадро, 20 часот
Споделена програма со СКОПЈЕ ПРАЈД ВИКЕНД и КСП Јадро
„Растварања“, перформанс на Маја Зеќо (Шкотска)

17 јуни, Кино на Железничката зграда, 19:30 часот
Изведувачка програма
„СЕКСУАЛНО ОБРАЗОВАНИЕ II: БОРБА“, преформанс - предавање
Театар МЛАДИНСКО, MАСКА и МЕСТО ЖЕНСК (Словенија)