Лондонските улици во цртежите на Џордан Муди

За лондонскиот уметник Џордан Муди бојата е омилениот алат со кој секојдневното опкружување го претвора во живописни, надреални цртежи.

Освен што белите маици на луѓето ги третира како празни платна, Муди често експериментира и со просторот и архитектурата околу нив. Особено ужива во трансформирањето на нешта што вообичаено никој не ги забележува – како подовите – претворајќи ги во техноколорни таписерии од апстрактни форми. „Мислам дека луѓето прават подот да биде премногу досаден,“ вели тој, „а тоа е одлично место за додавање боја.“

Голем дел од неговите актуелни дела претставуваат обид подобро да ги запознае луѓето и местата околу неговото студио во Пекам. Наоѓајќи инспирација во обичните моменти, сака да ги набљудува луѓето додека „работат, готват, пазаруваат или поминуваат време со пријателите“.

Покрај љубовта кон цртањето, Џордан работи во повеќе медиуми во своето студио во Intoart во Лондон – мултидисциплинарно студио за уметност, дизајн и занаетчиство, лоцирано во Пекам. Intoart функционира како алтернативно училиште за уметност и пионерска програма што се залага за еднаквост, лидерство и видливост на уметници, дизајнери и занаетчии со интелектуални и развојни попречености.

Извор