Соништата, бајките и ноќните мори во фотографиите на Џи Јанг Ли

Ја претставуваме фотографската серија State of Mind на корејската уметница Џи Јанг Ли.

Уметницата креира драматични сцени, притоа внимавајќи и на најситниот детал. Работела со таква прецизност што за создавање една сцена ѝ биле потребни недели, па дури и месеци. Секоја фотографија претставува личен автопортрет, бидејќи откако ќе ја заврши сцената, таа се вметнува себеси во неа и се фотографира.

Фотографиите и нејзините специфични улоги во нив се поврзани со одредена приказна од нејзините соништа и животни искуства, а има и сцени инспирирани од фантастиката на традиционалните корејски бајки.