А морето не мора

Изворите мораат да си изградат пат,
а морето не мора.
Реките мораат да имаат цел,
а морето не мора.
Сонцето мора на светот да му се докажува,
а морето не мора.
Галебот мора на морето да му се восхитува,
а морето не мора.
Рибарите мораат мрежи да фрлаат,
а морето не мора.
Бродот мора да има капетан,
а морето не мора.
Жените мораат да ги чекаат морнарите,
а морето не мора.
Светот мора преку помор,
а морето не мора.
Светот мора и што не мора
за да живее.
Светот мора преку море
за мориња го види.
Светот мора, мора,
мора низ река.
Од смеа морето се тркала кон човека.

Превод: П. В.