Роботи им помагаат на луѓето во кинеската битка против пустините

На огромните песочни пространства во северна Кина, во повеќедецениската борба против опустинувањето сè повеќе се вклучуваат роботи, дронови и интелигентни машини. 

Во песочната област Му Ус, во Внатрешна Монголија, специјализирани машини ја разлабавуваат почвата, ја поставуваат садницата, ја наводнуваат, ја покриваат со земја и повторно ја набиваат почвата. За една садница им се потребни околу пет секунди.

Машините користат сателитска навигација Бејдоу и технологии за автономно движење, но луѓето сè уште се важен дел од процесот. Во репортажата на Xinhua оператор далечински управува со две од машините, додека работници ги подготвуваат садниците и ја надгледуваат работата. Дронови се користат за пренесување садници и премерување на огромниот и тешко пристапен терен.

Технологијата брзо се шири. Само во Ордос во 2026 година се распоредени повеќе од 2.500 единици различна опрема за борба против опустинувањето, а механизираните операции веќе опфаќаат над 80 проценти од клучните подрачја.

Сето ова е дел од многу поголемиот кинески проект „Three-North Shelterbelt Forest Program“, познат и како „Големиот зелен ѕид“. Програмата започна во 1978 година и треба да трае до 2050 година, со цел да го ограничи ширењето на пустините, ерозијата и песочните бури во северните делови на земјата.

Кинескиот „зелен ѕид“ и понатаму го градат луѓе. Само што сега, покрај лопатите, имаат и роботи.