Изложба: Осумнаесет величествени маргинални уметници

Во петок на 4 септември во 20 часот, на првиот ден на книжевниот фестивал „Друга приказна“, ќе биде отворена изложбата „Осумнаесет величествени маргинални уметници“. Со принтови, во неколку формати, во „Центар Јадро“ во Скопје ќе бидат прикажани околу 60 слики на следниве уметници:

Адолф Волфли, Флорин Стетхајмер, Елзе Бланкенхорн, Алоиз Корбаз, Жан‒Жак Лиабоф, Хенри Дарџер, Албино Браз, Џими Ли Саду, Карло Зинели, Александар Лобанов, Алевтина Пужова, Алберт Лoуден, Мануел Бонифасио, Брајан Чарнли, Сузан Кинг, Ендрју Фридер, Мехрдад Рашиди и Ангела Далингер.

Дел од овие уметници веќе претставивме на Окно, а следниве месеци ќе ги претставиме сите.

Изложените дела ќе можат да се купат, а приходот од продадените принтови е наменет за неколку маргинални уметници од Македонија.

На настанот ќе биде промовиран и новиот број на списанието Маргина, целиот посветен на маргиналната уметност. Освен каталогот во боја, на 40 страници, во списанието се поместени текстови за сите 18 уметници опфатени со изложбата, но и текстови за Ханс Принцхорн, Жан Дибифе и Мишел Тево, творците на Арт Брут, концептуалниот предвесник за она што подоцна, во седумдесеттите, ќе се нарече аутсајдерска или маргинална уметност.

Пред изложбата, во 18 часот, Сенка Латиновиќ, кустоска на „Музејот на наивна и маргинална уметност во Белград“, ќе одржи предавање: Дефект во системот: маргиналната уметност како место на дисензусот.

Уредувањето на изложбата го помогна ХЕРА.

Во продолжение пренесуваме 18 слики од изложбата, од секој уметник по една.

Адолф Волфли

Флорин Стетхајмер

Елзе Бланкенхорн

Алоиз Корбаз

Жан-Жак Лиабоф

Хенри Дарџер

Албино Браз

Џими Ли Саду

Карло Зинели

Александар Лобанов

Алевтина Пужова

Алберт Лоуден

Мануел Бонифацио

Брајан Чарлни

Сузан Кинг

Ендрју Фридер

Мехрдад Рашиди

Ангела Далингер