Во петок почнува фестивалот ЗДРАВО МЛАДИ!

20.04.2011 09:27
Утре почнува фестивалот ЗДРАВО МЛАДИ!

Со пот и крв на младите од МКЦ, со сопствени сили и средства, со огромни ентузијазам и љубов, од едноставна идеја до секавична реализација, ви го претставуваме премиерното издание на фестивалот на нова музика „ЗДРАВО МЛАДИ!“.

На 22 и 23 април, во салата „25 мај“ во Младинскиот културен центар во Скопје, ја славиме новата музика, се сладиме на звуците кои, за жал, мошне ретко и/или пак, воопшто не ги среќаваме на нашата музичка сцена. Бендови и музичари, веќе етаблирани нови имиња на светската сцена или, пак, респектирани надоаѓачки ѕвезди.

Фестивалот ЗДРАВО МЛАДИ! во своето дебитантско појавување претставува 11 грижливо деноноќно селектирани бендови и музичари. Од широкиот бел свет нè вознесуваат:

 
No Age<http://www.noagela.blogspot.com/>, супериорно најекспонираната    нова американска гитарска појава; 
 
Bomb the Bass<http://www.bombthebass.com/>, британската електро икона;
 
Handsome Furs<http://www.myspace.com/handsomefurs>, шармантното и   искреното канадското дуо; 

Ulrich Schnauss<http://www.myspace.com/ulrichschnauss>, германскиот продуцент, ремикс "чудо од дете и  синтисајзерски гениј"; и
 
Lushlife <http://www.myspace.com/lushlifemedia>, прогресивната американска хипхоп сензација.
 
Ним, им се придружуваат бендовите од блиското опкружување (НЕ Црвена Јабука, НЕ Чорба, НЕ Бајага...), туку светлите:
 
Hemendexhttp://www.myspace.com/hemendex>, најновото загрепско изненадување на балканската клубската танц територија;
Кришке <http://www.myspace.com/krischke>, најрепрезентативниот квартет од срцето на подземнииот Белград; 
 
Nasekomix <http://www.myspace.com/nasekomix>, софискиот авангарден минималистички микс на електронска музика, џез рок, панк, инди и трип хоп; 
 
The No Sin <http://www.myspace.com/thenosin>, култното грчко гаражно рок комбо;
 
како и нашите 
 
Хахаха<http://junkcola.blogspot.com/>, во моментов, нашето најпотентно и трио, "гладно за инди-рок";
 
и
 
Ади<http://www.myspace.com/jabolkozadaskalot, потенцијално најавангардниот гитарист на овие простори.
 
 
Влезниците за фестивалот сè уште се по популарна цена од 500 денари (дводневна фестивалска влезница) и 300 денари (еднодневна). На самиот ден на фестивалот дводневната влезница ќе чини 700 денари, а еднодневната 400.
 
Претпродажните места за Здраво Млади! фестивалот се: Југотон, Лаика, Браво, Ла Кања, Дамар, Круг (Аеродром), Чакра и Балет.

Се гледаме на 22-ри април во 20 часот.

Здраво Млади!

www.zdravomladi.com