Мајка

Кога заврши мировната конференција, министрите појдоа на прошетка низ градот. Поминаа покрај забавниот парк, покрај бараките за стрелање. „Стрелајте, господа“, ги повикаа девојките со црвенило на усните. Тогаш министрите зедоа по една пушка и почнаа да пукаат во картонските фигури. Среде стрелањето наиде една жена и им го собра оружјето. Кога еден од министрите се противеше, таа му врза шлаканица. Таа беше мајка.

Волфганг Борхерт (1921-1947)  е германски писател и драматург чие дело било создавано под значително влијание на неговото лично искуство од диктатурата и неговата служба во германската армија за време на Втората светска војна.