Зошто реториката “младинско движење“ или “младите се бунтуваат“ - води во ќорсокак?

поимот младинска република ме изненади и мене:
http://vbb.blog.mk/2011/06/16/10-dena-mladinska-republika/

ги следан на интернет збиднувањата и констатирам:
ако не ви се приклучуваат постари, не е заради реториката „младинско движење“ етц, туку заради тоа што:

1. не ве сфаќаат сериозно, оти не знаевте што сакате. изгубивте една недела без да се договорите конкретно против што, кого и како ќе протестирате.
Немавте доволно информации, па една недела викавте алфи-убијци, а дечкото загина од припадник на специјалната едниница „Тигри“.

2. немате водач. немате гласноговорници. заради тоа излегува некоја девојка, за која некој од вас кажува дека не е од вашите, и веќе почнива турлитава.

3. од сите што излегле да зборуваат, никој не го бива!!!
ниту еден не успеа да спои две реченици што личат на нешто. на сите говорници им кажуваат од страна што да кажат, уште што да спомнат. така не се држи говор. за говор треба д аимаш талент и да се подготвиш. може да се импровизира еднаш, ама не секој ден.

4. сите сте шетани деца, повеќе можеби од мене, оти јас станав полнолетна кога Македонија ја „почестија“ со санкции и затворени граници, а никој од вас нема појма како се комуницира со странците!
тие сакаат кратко и јасно! добивте минути во Ал Џезеира, а разговорот тречеше како преку плетот да си правите муабет.
кратко и јасно! не кажувај три реченици, ако можеш да го кажеш истото со една.
 
5. самите почнавте уште на почетокот да се делите на ваши и наши. вие почнавте да кажувате кој треба а кој не треба да учествува во протести и тоа на крајно некултурен начин.
имав уште забелешки ам аќе сопрем.

ова го кажувам оти сакам успешни протести, а не само спомен дека 2011 имаше протести за ...нешто во Скопје...поздрав
 

Ангелина, те разбирам, ама не те сфаќам :) Со тоа што го посакуваш, ти всушност повикуваш да се создаде хиерархија помеѓу оние кои протестираат, а токму хиерархиите и институциите се оние кои репресираат. Јас разбирам дека повикуваш на борба со оние кои убија на начин на кој оние кои се бунат би се претвориле во копија на институциите.

Ако впечатокот е дека работите се анархични и ако говорите не се според оние на кои сме навикнати со нај „фенси“ пи-ар, токму тоа значи дека нештата се поинакви и токму тоа треба да се поздрави, а не куди. Слушачот тогаш ќе треба да се напрегне и во процесот на поимање и да размислува, а не само да цица информации совршено сервирани од совршениот говорник. Протестите се спонтани.

И јас се сложувам со коментарот на Александар.
Луѓето сакаат да видат „класични“ ПР алатки затоа што луѓето така се навикнати.
Ова движење кое што можеби се прецепира како само младинско, е пред се затоа што така се пренесува преку медиумите. И ако дојдете во 6 позади Мајка Тереза ќе видите дека не е така. Всушност и така да кажеме целото движење, значи под кое име се праќаат сите претсавки е - Граѓанска иницијатива против полициската бруталност.
Од друга страна да можеби движењето се перцепира или е само младинско, кој како сака да заклучи, но сметам дека и не е до толку лошо. Да можеби така ќе изгуби на бројност, но верувајте на младите во Македонија не им се има случено ништо вакво претходно, мислам на спонтано движење, собир. И со целиот жар што сите млади луѓе го носат во ова движење, сосема искрено можеби и се нарекуваат младинско движење, затоа што тоа е нешто што досега го немааат искусено, а им е потребно.
И уште еден коментар за Ангелина, ако толку никој од таму не го биваше немаше сево ова да трае повеќе од 20 дена.

Многу тешко се контролира толкава маса без водство. Проблемот е кој ќе ги застапува сите. не мора да е еден, ама кои да се другите.
јас ви укажувам на неефикасноста. за да ја постигнеш целта, мора да знаеш што сакаш. ова се протести, не водење љубов. не ви треба предигра. (вие една недела не знаевте што сакате, туку си игравте протести. нити знаевте против кого, ниту кое е момчето.)
  работата може да се разводни и на крај да заборават луѓето зошто се тука и полека, полека да замре. и ќе остане спомен дека имаше 2011 протести заради убиството, алфи, не, тигри беа, против бруталност, не, оставка бараа етц... и толку.
мора да имате некакво тело за таа работа, во коешто треба да влезат оние што ги бива, а не сите тие што сакаат. ќе го слушате мнозинството, имате директен контакт со нив, но не може сите 500, 1000, 2000 колку и да се, не може сите да се се.
неколку дена не следам, не знам до каде сте дојдени, но дечките што излегуваа да зборуваат, не знаеја како. за тоа треба да се има талент или да се научи! и седнете и научете! мегафонот не е лулашка, па секој да се лула малку! мора да ставите ред. 
еве уште некои мои забелешки.
- се створи критична маса, која секој ден излегуваше на протести и постигнавте многу! мислам дека дури и не очекувавте таков расплет!
-помогнавте да не се заташка убиство на Мартин. сето тоа го направивте сами, без  да ве турка некој медиум , без помошта на некоја партија. тоа е чудо за Македонија!!!  сами си ги снимавте клиповите, какви такви, сами пишувавте на блогови, известувавте. тоа е голема работа.
-од друга страна, претеравте!!
*во странските медиуми, ја покажавте Македонија како дно на Балканот, каде што луѓето живеат под полициска тортура! а тоа не е така.  сакате ли да ни донесат  странци да не смират малку?
* протестите се претовраат во перформанси. една девојка се приближува до еден полицаец и свири, тој не смее да реагира, таа свири, тој трепка и толку! или еден дечко застана пред собраниското возило, демек не се тргнуваше, па полицајците го тргнаа, и толку! ако застанеш пред возило, треба да бидеш спремен дека може и да те прегазат. тоа повеќе личи како мали деца кога ќе фрлат камен близу до прозорот и ќе избегаат и ќе викаат: Ништо не ми можеш! ништо не ми можеш!
-седнете и направете есап: што сакавте да постигнете, што успеавте, што не, што треба да доточните, што да исфрлите, да дополните, на кој начин.
-можете да станете граѓанска асоцијација, да почнете да одите чекор по чекор со барањата коишто ги имате. Се разбира, пред тоа треба да се обмислат. не може, на пример, да имате апсурдни барања, како што е она  да се укинат сите специјални единици во Македонија. постои елитната единица „Волци“. сте чуле ли за некоја глупост што ја имаат направено нејзините припадници?
-повикајте на спроведување на постапка, а не на линч. не знаеме зошто полицаецот го убил момчето. треба да се расветли не само тој, туку и другите случаи на полициска бруталност кои се нерешени.
-Мартин загина, тоа е жално. но не правете ореоли околу неговиот лик и дело. оставете му го семејството да тагува. тие веќе знаат дека не се сами и тоа е доволно.
-барајте промена во законите: кој смее да биде полицаец, кој смее да носи оружје, кој какви овластувања има. исто важи и за обезбедувачите: имам чувство дека тие понекогаш имаат овластувања како оние на полицајците.
-бидете покултурни: не може на секој човек во униформа да му се внесеш у фаца и да му викаш дека е убиец.
-на фејсбук сте имале профил, па сте бришеле коментари, па почнавте да навредувате  кој смее кој не смее да биде на протестите. секој има право на политичка определба. и зошто јас ако имам книшка на ВМРО ДПМНЕ или на СДСМ да не можам да ви се приклучам? а како оној од „Достоинство“ смее да присуствува?   сопрете малку! оти во спротивно ќе се претворите како и сите партии во македонија.
поздрав

Ангелина мислам дека целосно не ги разбираш нештата и не се обидуваш да излезеш од својата индоктринирана и арогантна позиција.

Не ни требаат преставници кои ќе не застапуваат - ова е директна демократија. Секако дека ќе има луѓе на кое таквиот начин на организација не им се допаѓа, но ќе мора да научат да делуваат без да бидат дисиплинирни од некој повисок авторитет.И

Навистина не ни се потребни твоите неолиберални патронизирања.

Инаку Волците се специјална единица на АРМ а не на МВР...

е па мирко, тие погоре не мислат како тебе.
и што правиме сега?
во чие име зборуваш ти?
кои сте тоа вие?
со самото тоа што ми одговараш, ти се ставаш во улога на претставник што ги застапува другите. а не си тоа. оти како што велиш, немате претставници.
и замисли уште икс пати такви како тебе и чие мислење да слушам?
или не си прочитал се што напишав или не си разбрал ништо.
не е важно дали мене ми се допаѓа вашиот начин на организација, туку дали ќе ја постигнете целта со средствата што ги користите.
колку што капирам, немате поим што сакате ни што ќе правите и заради тоа, еве слушај ми го зборот, нема да постигнете ништо. а можеби тоа ви е и целта: да си играте востание, да тропате дек=мек сте анархисти, а не знаете ни што значи тоа, да го оценуваш ти мојот коментар како неолиберално патронизирање, термин кој или не знаеш што значи, или не си ме дочитал или не си разбрал.
и пак ќе кажам: можеби ТЕБЕ не ти треба, но ајс не сум убедена дека не им треба на другите.
фала за волците.