103 слободна зона

04.07.2011 10:26

Kонцерт акција со Bernays Propaganda, XAXAXA и Heart Stroke

Понеделник, 4 јули, Кеј на Вардар. 18 часот.

Во рамки на одбележувањето на своето дводецениско постоење и под мотото „20 години слободни”, Канал 103 прогласува слободна зона. На 4 јули, на кејот на Вардар, веднаш до споменикот на Гемиџиите, со почеток во 18 часот, ќе се одржи концерт - акција на јавен простор. На местото кое некогаш беше собиралиште на прогресивната градска младина ќе настапат скопските бендови Bernays Propaganda, ХАХАХА и Heart Stroke.

Со оваа акција Канал 103 сака да ја реафирмира слободата како вечно незавршен историски процес, територија која мора одново и одново да се освојува и брани. Цели 20 години Стотројка е гласноговорник на слободната мисла и неуморен двигател и поддржувач на прогресивните текови во кревката македонска демократија. Канал 103 останува тоа, до крај.

________________________________________________________________________

BERNAYS PROPAGANDA се гордоста на независната македонска музичка сцена, највредниот и бездруго политички најсвесниот домашен бенд. Зад себе имаат илјадници километри европски турнеи. Нивниот My Personal Holiday беше прогласен за најдобар албум за 2010 година според Канал 10.

http://www.napravizaedno.com/menu/bands/bernays-propaganda.html

ХАХАХА е сочинет од трите машки членови на BERNAYS PROPAGANDA. Создаваат мелодичен панк во најдобрата традиција на нивните американски херои од 80-тите, притоа звучејќи сосем свежо и актуелно. Остри и ангажирани текстови, заразна енергија и искреност. Неодмна се вратија од нивната прва европска турнеа на која го промовираа деби албумот „Танго Револуционер“.

http://www.napravizaedno.com/menu/bands/xaxaxa.html

HEART STROKE се млад скопски бенд, ново име на виталната македонска хардкор панк сцена.

http://www.myspace.com/heartstrokemk

_______________________________________________________

Канал 103 почна да зрачи на -ви мај 1991 година. Надвор од државните регулативи и концесии, физички сместена во Македонската Радио-Телевизија, Стотројка прерасна во културно движење на јавен медиум чија концепција е да промовира музички вредности, прогресивна уметност и слободна мисла.

нема коментари

Слични содржини

Настан

Трето издание на de:sonanz - фестивал за електронска музика и медиумска уметност

Музика

Концерт на Keira is you во Ла Кања

Култура / Настан

Четврти роденден на „Култура ß”

Настан / Музика

Тричасовен пијано - маратон на Дуња Иванова на плоштад во Скопје

Настан

Ајде да се повозиме

Настан

Критична маса - Скопје на точак #1 [к:1]

Настан

17-ти мај – меѓународен ден на борба против хомофобијата и трансфобијата

Музика

Здраво млади! 2012

Око

СЕКОЈ ДЕН ПЕСНА

Тони Хогланд

Големите очекувања

Чарли мислеше дека ќе стане професионален фудбалер, но наместо тоа стана пациент заболен од рак.

25.04.2024

Вести (time.mk)

Канал 103 .

Боли глава

Арсим Зеколи

„Ви помина ли меракот?”

Среде сето пребројување на гласачите кои гласаа, мудро би било со едно око да се следат и со едно уво наслушуваат пораките на негласачите, како доминантно тело. Нивниот молк може да биде надежен, колку што може да биде злокобен, бидејќи токму тие се семето на поразот скриено во секој триумфализам на часот.

Да повторам, Мицкоски со Силјановска ја прими пораката дека неговото посакувано национално единство е недостижно, подеднакво како што Ковачевски, Ахмети и Таравари треба да разберат дека баладите за ЕУ иритираат кога доаѓаат од корумпирани ноти.

Затоа, кажано со традиционалната саркастичност на домашното сеирџиство, сумираната парола од вчерашните избори е „ви помина ли меракот?” Бидејќи Македонија вчера гласаше „против". Допрва, на 8 мај, ќе се гласа „за".

Арсим Зеколи, Дојче веле, 25.04.24.