Кога смртта има сини очи

27.07.2011 09:16
Кога смртта има сини очи

Колку ни беше едноставен животот нам, цивилизираните, пред масакрот во Осло и околината. „Ебените муслимани“ го кренаа светот во воздух. Кулите-близначки, авионите, автобусите во Лондон, дури и полициската станица во мојот град Ријека... Никаде човек не можеше да биде и не може да биде безбеден.

Често патувам, и барем еднаш во два месеци ги соблекувам чевлите на аеродром, и знам дека во торбата не смеам да имам шише со вода, ни ножици, ни турпија за нокти, а единствената течност која смеам да ја внесам во авионот е парфемот купен на аеродромот. Иако цивилизираниот свет правеше и прави многу нешта за истребување на муслиманите, сите ние ги мразиме носачите на турбани и забрадените жени, и сепак тоа не е доволно.

Затоа бомби паѓаат врз Либија, затоа умираат во пламен девојчиња во Пакистан; сето тоа се идни терористи кои треба да се сотрат или на мајчина цицка или во мадињата на татко им. Да не се коти темнооката терористичка грозота. Авганистан во името на демократијата е претворен во изгорена земја, Ирак исто така, Либија е на патот за пеколот, а Газа, тоа родилиште на терористите, не смее дури ни да се спомене.

Ако на некој лудак или лудачка, како мене, му текне да каже или напише дека во тој концентрациски логор од глад, жед, кал и немаштија умираат човечки суштества пред очите на „цивилизираниот свет“, тој или таа веднаш се именува како „антисемит“ пред кој преку ноќ се затвораат вратите на сите медиуми кои ги контролираат „жртвите на холокаустот“.

А „жртвите на холокаустот“ се сите кои се залагаат Газа да се избрише од лицето на земјата во името на животот во помирен и подобар свет исчистен од муслиманите и тероризмот. Бидејќи, јасно ни е на сите нам, тероризмот може да биде само муслимански. Поради носачите на турбани ние боси чекориме низ детекторот за метал на секој аеродром, поради тие гадови бабичките низ светот мораат со раце и нозе да им објаснуваат на цариниците дека детекторот ѕвони зашто тие имаат вештачки колк, а не бомба меѓу старите, исушени бедра.

Да, уште вчера светот беше место во кое знаевме кој е кој во нашите животи. Се делевме на бели и пребели христијани и црномурести, темнокафени, бледокафени, црнокафени гадови кои со бомби ги уништуваат нашите градови и нашите животи. Кога наеднаш – Осло!

Белокож младич, кој едвај има триесетина години и очи толку сини што дури ни на аеродром не би го присилиле да ги соблекува чевлите, уби стотина норвешки деца, а го претвори Осло во Багдад. Тоа нè погоди како гром од ведро небо, нас белците, и католиците и праведниците. Кога гинат млади Либијци, Пакистанци, Авганистанци, Ирачани, деца од Газа, сето тоа ни е некако нормално. Една реченица во медиумите.

Сепак, сите тие деца биле идни терористи. Но овие бели момчиња и девојки? Осло? Сум била во Осло. Совршено чист, цивилизиран и толку ледено блескав град. На нивната ривиера видов белокожи луѓе кои пејат и танцуваат. Нив да ги убиеш? Нив, кои толку проѕирни никогаш не згазиле и нема да згазнат на мравка? Неверојатно.

За ова злосторство никој од оние што често ни толкуваат што е тоа тероризам нема да може да најде објаснување освен дека синоокиот и русокосиот младич е тешко душевно заболено лице. Само болен христијанин може да предизвика колеж. Само болниот муслиман не е терорист. Живееме во свет кој се дели на црномурести гадови и бели заболени. Нека почиваат во мир децата кои перверзно умреа во Норвешка наместо чесно да загинат во Авганистан штитејќи го светот од тероризам.

Извор: rudan.info

Prv pat ne se slozhuvam so

Prv pat ne se slozhuvam so Rudan: dali toa znachi deka teroristite treba da gi ostavime na raat za da ne ne' optuzhat deka sme protiv muslimanite? Za mene lugjeto shto gi urnaa kulite se nelugje i ne me interesira od koja rasa i vera se....i tie mora da se ludi, bidejki normalen chovek ne mozhe tuku-taka da odzema tugji zhivoti. A, za skandinavskiot nacizam najdobro napisha Stig Larsson vo trilogijata Milenium. Znam deka imalo Skandinavci podrzhuvachi na nacizmot,, no znam i deka na svojot nobelovec Norvezhanite poradi taa ideja, po II Sv. vojna, mu gi vratija masovno knigite. Znachi, slikata ne e bash crno-bela

Мислам дека Рудан во текстов

Мислам дека Рудан во текстов го исмејува стереотипот за терористите кој го наметнаа западните медиуми - дека секој муслиман по автоматизам е и терорист. И сега, кога се случи теророт во Осло, многу луѓе во светот си го поставуваат истото прашање - зарем е можно белец и христијанин да биде терорист? Рудан, во свој стил, е доста вулгарна и директна, но мислам дека е во право кога вели дека мораме да бидеме свесни за неправдите кои се вршат во името на „борбата против тероризмот“, кое е само еуфемизам за капиталистичка експанзија на западот во земјите богати со нафта.

Da ne ima slucajno preselba

Da ne ima slucajno preselba na drugi veri vo islamisticki zemji?
Eden covek ako napravil problem, treba li site hristijani da se poistovetat so teroristicki zadoenite muslimani. Site do eden imaat cel - prevlast vo drugi zemji, iskorenuvanje na nevernicite.
A nie, nesposobni, kriejki se vo zabludi za tolerancija im popustame, popustame, popustame.

Да не биде дека ги сведувам

Да не биде дека ги сведувам луѓето на бројки и дека не ми е жал, ама во кулите загинаа 3-4-5 илјади луѓе. Во војните во Авганистан, Ирак, Виетнам, Камбоџа... беа убиени стотици илјадници.

ОкоБоли главаВицФото