Математика

Мојот роднина

Мојот роднина
беше, монах-пустинк,
кој живее аскетски живот
во пештера.

Тој не беше уметник.
Балзак аскетски пишувал,
Неандерталците цртале
по ѕидовите.

Татко ми ја удри мајка ми,
а утредента ја праша
од каде ѝ е модринката.
- пустиникот ми е роднина
oд мајка ми -

Татко ми немаше да
удри некоја
набилданa, стереоиднa
дамa, за кои се плаќа
да се види на егзибиција.
- Големиот Брат е фрик шоу -

Мојот роднина
беше тивок човек,
кој никого никогаш
не удрил.

Мајка ми правеше рози од хартија
за украс на масата,
а татко ми провери дали спијам
пред да ја убие.

Дијалог

Никој не го слуша
Сати',
но сите пијат
како него.

Пијаницата пред
да се задуши
од сопствената повраќаница,
го испразни последното шише.

- Шишето никогаш
нема да биде празно,
секогаш ќе има воздух - му велам.
- Од воздух не се живее - ми вели.

Интерпукција

Колку те сакам?
Колку те сакам!

Богат сосед

Пред десетина минути
помина човек со шапка,
по него и една жена,
а и жената е човек.
...

И јас сум само човек,
на кој му набиле рогови.
Не сум ѓавол!
...

Ѓаволот секогаш се појавува
во лик на жена,
како светица во позадина
на групна фотографија.

Таа ми удри корпа,
јас ја ставив во корпата,
поминаа ѓубрарите
и ја испразнија.

Му завидувам на соседот
за убавата корпа за ѓубре.
Тој е богат,
и може да си го дозволи тоа,
а мојата е за никаде.
Сепак, тој со големата плата,
неделно прави повеќе ѓубре од мене,
па, корпата
губи од својата убавина - се тешам.

Математика

Велат дека љубовта
е една душа,
поделена во две тела.
Зошто да се делиме?
Ајде да се множиме.

Разговор со личноста која
остави траен белег на мојот живот
(моментални емоции на понижен човек)

Драга не биди педер!

A-B

Имаш празен медијастинум
Имаш празен медијастинум
Имаш празен медијастинум
Имаш празен медијастинум
Имаш празен медијастинум
Имаш празен медијастинум
Имаш празен медијастинум
Имаш празен медијастинум
Имаш празен медијастинум

Биографија

Мојот живот
e празен лист хартија.
Сепак ништо на светот
не е како што изгледа.

Д. К. (1993) е 18-годишен гимназијалец од Скопје кој сè уште не може да се пронајде во животот, а допрва треба да избере помеѓу уметноста и егзистенцијата.

Илустрации: moonasi