100 000 поети за промена

26.08.2011 10:26
100 000 поети за промени

На 24 септември годинава поети од повеќе од 350 градови во светот ќе учествуваат во досега најголемото светско читање поезија кое истовремено ќе се одржи во 70 земји, а со цел да поттикне општествени, еколошки и политички промени.

Во акцијата „100 000 поети за промена“ ќе учествуваат автори од речиси сите земји во регионов, во организација на локалните партнери на овој глобален настан.

Поетите, писателите, уметниците и хуманитарците ќе создаваат, изведуваат, демонстрираат и ќе ги едуцираат граѓаните во локалните заедници, а сами можат да одлучат на која специфична област промени ќе се сосредоточат.

Според иницијаторот на оваа акција, Мајкл Ротенберг, кој е американски поет, кант-автор и уредник на книжевното списание Bigbridge.org, општите тематски рамки се глобалниот мир и одржливост, додека основните карактеристики на акцијата се децентрализираноста и инклузивноста.

Секој локален организатор има своја блог страница на главната интернет страница на акцијата 100TPC.org на која ќе става пишанн материјал, фотографии и видео снимки, како и друга документација во врска со овој глобален настан.

Најмногу настани засега се најавени во градовите на САД, но и Канада, Мексико, Индија, В. Британија, Австралија и други. Локални акции се најавени во Хрватска, Македонија, Албанија, Србија...

Извор: knjizevnost.org

ОкоБоли главаВицФото