1008 hPa
66 %
9 °C
Скопје - Саб, 20.04.2024 01:59
Францускиот дизајнер Арно Лапие е автор на интригантната и надреална просторна инсталација „Ring“ (Прстен), поставена на познатиот париски плоштад Place Vendome.
Станува збор за прстенеста структура составена од низа огледала, формирани во кружен облик, кои ги одразуваат околните згради и небото. Инсталацијата е изработена во соработка со автомобилскиот бренд Ауди, а оптичкиот ефект создава надреално опкружување, посебно ако се најдете внатре во самата инсталација.
Околните згради, бојата на небото, облаците, содржините на плоштадот и луѓето кои поминуваат наоколу се огледуваат во сегментите на оваа структура, за кратко бришејќи ја границата меѓу реалноста и огледалниот одраз. Оваа инсталација има размери 5,5 на 4 метри, а е изработена од над стотина рефлектирачки стакла.
Извор: arnaud-lapierre.com