Песни

Лаванда

Па, чекај
Па, чекај
Па, чекај
Па, дај гас
Па, дај гас
Па, дај тоа гасот
Па, дај тоа гасот
Па, дај тоа чајот
Па, дај тоа чајот
Па чекај
Па чекај
Па, договор ли е тоа?
Па, договор ли е тоа?
Па, лудило ли е тоа?
Па, лудило ли е тоа?
Па, нормално ли е тоа?
Па, нормално ли е тоа?
Па, пак ли сме потпишале?
Па, пак ли потпишавме?
Па, гледај што потпишуваш
Па, гледај што потпишуваш
Па, немој механички да потпишуваш
Па, немој механички да работиш
Па, немој механички да работиш
Па, да ти `бам, па да ти `бам.
Па, дај некој друг гас
Дај шведски гас
Дај турски гас
Дај италијански гас
Дај белгиски гас
Дај јапонски гас
Дај гас од Оклахома
Дај гас од Ајова, Невада, Минесота, Калифорнија, Шпанија, Португалија, зошто да не?
Дај гас од Боцвана, Замбија, Кенија, Нигерија, Аргентина, Колумбија, Венецуела, зошто да не?
Па, дај гас од Данска, па даааајј од Данска, Финска, Унгарија, па дааај од Данска, зошто да не?
Ма, од Далмација, еееееејјјјјј!!!!!
Ма, дај од Сплит, од Хвар, Брач и Црес, Млет,
Лошињ, Истра и Корчула, дај од Пољуд, дај од Верудела.
Ма, дај масло од лаванда, тоа е она што ме грее,
а не таму некојси гас што не доаѓа од Русија.

Туристи

Еден пријател ми рече:
„Една моја пријателка мисли дека
Илијада не ја напишал Хомер
Туку еден друг човек
Што исто се викал Хомер.“
Не е ни важно кој ја напишал
Важен е само целиот тој настан
Доаѓањето на сите тие дрвени бродови
На брегот на земјата на работ на Азија
Спуштањето на кремите, пешкирите и гумите
Копјата, штитовите, мечовите, сандалите
Некултурното однесување на сите грчки туристи.
Сето тоа е во суштина некако нормално
Туристите често прават така
Некогаш Грците, денес Англичаните
Утре Словените, вчера и Германците.
Кај сме тука ние?
Што е со нас?
Кај сме тука ние?
А на нас пасош?
А на нас гуми, сандали, влечки
Креми и душеци, песок и лавови?
А на нас шорцеви?
А мене маица?

Тепих

Тепихот ми се сложува со тревата на телевизорот
Густиот, зелен тепих е ист како густата зелена трева на телевизорот.
Поминаа 12 минути од второто полувреме
Се израмнија по бројот на корнери во овој момент
Сега е 5:5
Шутираше Морисон, но доста непрецизно.
Нов, неуспешен потег на играчите во жолти дресови
60 минута
Њукасл и понатаму води 2:0
Само 1 бод освои Вест Бромвич Албион
во изминатите 7 меча на Сент Џејмс парк.
Каков фаул сега над Мартинс!
Жолт картон доби Робинсон
Слободен удар за Њукасл
Повторно играта е запрена
Ајде и јас да ја запрам песнава.

Смеа во позадина

Секогаш
Некој
Може
Да
Ти
Се
Смее
Зад
Грб
Ама
Тоа
Нема
Врска.
Тоа
Може
Да
Биде
И
Симпатично.

Ќе ми дадеш снег

Ехееееј!!
А каде е снегот?
Еј, каде е мразот?
Нема мраз!
Нема снег!!
Ејјјј!!!
Само -3.
Од вчера.
А Москва?
-6.
Само -6!
Камо -20?
Камо -30?
А Торонто?
И таму ли исто не е -30 како порано?
Дали ладно исчезна зимата?
Дали тогаш зимата чао?
Па, зима ли е ова денес?

Шпица

На почетокот на секој филм оди шпица.
Секоја шпица има своја музика.
Колку подобра музика, толку подобра шпица.
Колку подобра шпица, толку поинтересен вовед.
Колку поинтересен вовед, толку подобар почеток.
Колку подобар почеток, толку подобра содржина.
Колку подобра содржина, толку поинтересно дејство.
Колку поинтересно дејство, толку подобра идеја.
Колку подобра идеја, толку подобра приказна.
Колку подобра приказна, толку подобар заплет.
Колку подобар заплет, толку понеизвесен расплет.
Колку понеизвесен расплет, толку подобар расплет.
Колку подобар расплет, толку подобар крај.
Колку подобар крај, толку подобар филм.
Колку подобар филм, толку подобра завршна шпица.
Колку подобра завршна шпица, толку генерално подобра одјавна шпица.
Колку подобра одјавна шпица, толку попотполно доживување.
Колку подобро доживување, толку подобро чувство.
Колку подобро чувство, толку посилен впечаток.
Колку посилен впечаток, толку појак филм.
Колку појак филм, толку полудница филм.
Колку полудница филм, толку најјак филм.
А сè започна со шпица.

Децении

А, постои оној филм „Веселите дваесетти“,
Па потоа беа легендарните 50-ти,
60-тите сè некако хипи, хепи, твиги, мини, буби...
70-тите пак сè – ѕвонарки, оние фризури, оние коси,
оние зулуфи, оние платформи, оние кошули,
она крагните...
...Кум, Кум 2.
80-тите – онаа мода, она подвиткување фармерки,
она кинење фармерки на колената, оној Реган,
оној Горбачов, онаа Тачер, оној Терминатор.
90-тите – веселите деведесетти... лудите деведесетти,
она техно, оние МТВ награди, оној гранџ,
оној Беверли Хилс 90 210, оној Дилан,
оној Брендон, оној Твин Пикс, онаа Шерон Стоун.

А сега?
Што се случува сега?

Ѓорѓе Илиќ е роден во Белград на 7 декември 1974 година.
Таа година АББА победува на Евровизија.
Тоа е некако добро.
Инаку, Ѓорѓе пишува, чука, црта, копира, печати, свири, пее.
Членува во екипата Лепи ритам срца, групата Чинч и хоровите: Хоркешкарт, Хоркестар и Проба.
Особено е важно некогашното членство во О.У. Ослободителите на Белград и друштвото Палилула.

Превод: Ѓоко Здравески и Иван Шопов

Илустрација: Пет Пери