Граѓаниот С.

24.02.2012 11:06
Граѓаниот С.

Сиромашниот службеник храни седум усти. Секој ден тој трча сиот растреперен по парче леб, но тоа му бега, се врти и му се клешти потсмешливо во лицето!

Се викаше Саман.

Еднаш шефот го повика:

- Саман!

Истрча пред него уште пред овој да стигне да го изговори она „н“ од крајот на неговото име.

Другпат шефот го викна:

- Сама!

Истрча пред него уште пред овој да стигне да го изговори она „а“ од крајот на неговото име.

Потоа шефот го викна:

- Сам!

Истрча пред него уште пред овој да стигне да го изговори она „м“ од крајот на неговото име.

Потоа шефот го повика:

- Са!

Истрча пред него уште пред овој да стигне да го изговори она „а“ од крајот на неговото име.

Сега шефот го викна:

- С!

И овој се најде пред него.

И неговото ново име стана С.

А што се однесува до вистинското име – сите му го заборавија.

Извор: Градина (списание за книжевност, уметност и култура)

Илустрација: Мат Рота

Слични содржини

Книжевност
Клопец [к:1]
Книжевност
Книжевност
Книжевност
Книжевност
Мајка [к:1]

ОкоБоли главаВицФото