Да им дадеме да седнат!

12.03.2012 12:03
Да им дадеме да седнат!

Ако сакате да посочите на сеприсутната комерцијализација на јавните простори низ улиците на вашиот град, сè што ви треба се неколку метри меки цевки за одвод, добра просторна ширина и веќе постоечка урбана инфраструктура.

Тоа е барем рецептот по кој се водел студентот на архитектура Oliver Show во својот роден Хамбург, со серија герилски градски акции наречени: „Street Furniture“. И секако успеал во тоа, следејќи го потенцијалниот урбанистички совет: „ако им дадеш каде да седнат, ќе седнат“.

Неговите евтини, временски отпорни и крајно флексибилни перничиња од пластика во јавниот простор, одеднаш неочекувано го претвора просторот меѓу уличната светилка и блиското дрво во софа, паркиралиштето за велосипеди во отоман или спомениците во кружни клупи. Уште повеќе, флоуросцентната жолта боја го нагласува аспектот на јавното кое треба да се зачува, а самата интервенција на Show му ја донела наградата за образование и уметност HFBK на Фондацијата Leinemann.

„Пристапот кој се базира на интервенција и експериментирање, за мене е многу поважен од потрагата за идеален продукт“, истакнува Оливер. Неговиот уличен мебел се покажа како одлична стратегија и јакнење на дизајнерскиот концепт кој размислува за ново користење на просторот и материјалот. Како што се ближи пролетта, а на Скопје хронично му недостасува урбана опрема, предлагаме да интервенирате со пластични цевки што поскоро.

Извор: Pogledaj.to

ОкоБоли главаВицФото