Маратон за денот на Театарот

По повод Светскиот ден на Театарот 27 март, Факултетот за драмски уметности од Скопје подготви специјална целодневна програма која оваа година ќе ги замени традиционалните студентски игри „Скомрахи“.

12:00 - Читање на меѓународната и национална порака, која ќе ја пренесе великанот на македонскиот театар, Мето Јовановски.

Потоа ќе следи трибината по повод 60 годишнината од дипломирањето на првите македонски режисери, некогашни професори на ФДУ и големи театарски дејци: Тодорка Кондова-Зафировска и Димитрие Османли.
На трибината збор ќе земат професорката Јелена Лужина, режисерот Антонио Митриќески, деканот на ФДУ Лазар Секуловски, како и повеќе учесници во театарските и филмските проекти на Зафировска и Османли.

13:00 - „Птиците што живот значат“ - испитна претстава на студентите од прва година во класата на проф. Владо Цветановски.

15:00 - Проекција на култната македонска претстава „Чорбаџи Теодос“

17:00 - Проекција на култната македонска претстава „Диво месо“

19:00 - „Досие копче“ - испитна претстава на студентите од прва година во класата на вон. проф. Мими Таневска

21:00 - „Сеништа“ - испитна претстава на студентите од трета година во класата на проф. Владимир Милчин, вон. проф. Сузана Киранџиска и асс. Кристина Леловац

По завршување на последната претстава од маратонот во бифето на Факултетот за драмски уметности, ќе има организирано забава по повод денот на театарот.

Целиот настан е во организација на Академска Сцена. Линк до нивната фејсбук страница тука.