Ќоше на кругот

28.04.2012 10:53
Ќоше на кругот

Насловот не е некој компликуван парадокс. Ова, колку што знам, не е ни термин во квантната физика. Ова е само обид да се најде наслов за нешто што мислам дека, многу и често, треба да се направи во Македонија. Да се расипат шаблоните, да се излезе од кругот на агресивноста, сиромаштијата, лудилото, стравот и на ненормалноста, а притоа да сме сепак меки, имотни, паметни и храбри.

Имено, ова најлесно се објаснува со еден стар виц. При едно сафари во Африка, едно диво племе фатило двајца туристи и на едниот од нив му нацртале круг и му наредиле да не го пречекори и никако да не излезе од него. Потоа му свртеле грб и почнале да го малтретираат другиот. Кога престанале, заминале и така и двајцата заробеници се ослободиле. Потоа, малтретираниот турист го прашал првиот како можел толку мирно да седи и ништо да не направи во ситуацијата во која се нашле. Туристот, кој бил вметнат во ќошето на кругот, кажал: така ти мислиш, јас дури трипати излегов, го пречекорив кругот и се вратив, без тие да забележат!

Освен што се гледа дека, генерално, имаме недостиг од граѓански активизам, многу пати се забележувам дека дури и ваквите излегувања недостигаат кај нас. Сето тоа што го гледаме е само останување во кругот на веќе виденото. Тоа може да се каже и за речиси секоја случка во последните денови. Така, гледаме дека Паско Кузман удира по ѕидови, сега на скопскиот Безистен, како што тоа секогаш го прави кога удира во ѕид во некоја дебата, дури и во вакви дебати од типот: ти мене сердаре, јас тебе војводо! И ДПМНЕ, очигледно, заглавена во верската дилема меѓу многубоштвото на Александар и МПЦ, не можејќи да прерасне во секта, ќе станела движење.

Само со излегувања од воспоставената практика ДПМНЕ и другите партии би биле поуверливи во приказните за граѓанството и за движењето. Како за почеток, би можеле да ги тргнат партиските шепи од меѓународниот проект за парламентарниот институт. Вака како што тргнале во невозможна мисија да ги партизираат и меѓународните проекти, можат многу лесно да ги загубат и парите и проектот. Истото важи и за декларацијата „НАТО, ми ти се кунемо“, која ја подготвуваат. Така, ред би било таа декларација да им ја испратат прво на загрижените албански интелектуалци. Истите тие кои можеа прво да им пишат на луѓето за кои гласаа, а не да го тревожат Расмусен кој, според чаршиско зборување, тој ден од мака не можел да го испие ни утринското кафе. Притоа и тие интелектуалци, како не можеа малку да бидат инвентивни и оригинални како за интелектуалци и, на пример, да го замолеа Рене Реџепи да објави писмо за Македонија во магазинот „Тајм“! Или поголемиот дел на интелектуалците што се од родното село на Реџепи, можеа со врски да му резервираат на Расмусен ручек во најдобриот ресторан на светот.

Во обидите да стане конструктивна, и опозицијата би можела да побара излез. Така, на пример, таа би можела да укаже или да посредува во некоја домашна или странска комерцијална банка наоѓајќи поповолен кредит за заемите што ги прави Владата. Гледајќи ги условите на последните заеми тоа би било многу лесно изводливо, а со тоа нашата опозиција би станала најконструктивна на светот! Излез би можеле да побараат и стечајците, социјалните случаи и невработените граѓани упатувајќи барање за кредит до Владата. Наведувајќи го истиот аргумент со кој власта се правда пред сите нас - ниската задолженост. И невработените, генерално, се ниско задолжени, но немаат ни приход, ни промет.

Излезот од кругот и од шаблоните е многу лесен и дури има можност за подобар посакуван резултат. Така е и во примерот со двајцата пратеници од албански партии, кои од координатори станаа бруки на пратенички групи и на целото собрание и меѓусебно си кажаа сѐ и сешто. Така, Џеват Адеми можеше да му се обрати на другиот пратеник со зборови како што се срце, душо итн. Ефектот ќе беше ист. Или, да се степаа на мегдан како што побараа еден од друг или да зборуваа како во спална соба, иако се наоѓаа во најдневната соба, во собрание и во директен пренос. Вака, почнаа од тоалет и на сите им текна да им го повлечат сифонот.

При сите овие излегувања многу е важно, како во вицот, да се вратиш пак. Затоа што лесно може да се случи да се остане засекогаш во аут. Тоа посебно треба да го знае Јанакиески, кој презема ризик во име на сите нас да му дозволи на некојси Грк да гради хотел. И тоа на местото на вакафот на Бурмали-џамија. Ајде на спиење, ајде мирен сон?!

Mi se dopagjaat tekstovite na

Mi se dopagjaat tekstovite na gospodinot Ramadani. I ovoj e dobar. Edinstveno nemozam da sfatam zoshto na krajot predupreduvanje deka se gradi neshto (hotel vo slucajov) vrz Burmali Dzamija. Nebare taa dzamija bila tamu od pochetokot na vremeto. Siguren sum deka imalo mnogu gradbi pred nea, kako shto ke ima i po nea, a i po hotelot. Se chini gospodinot Ramadani iskashluva malku beden fundamentalizam vo sluchajov, protiv koj inaku kontunuirano se trudi, ne? A i OKNO interesno turka stavovi protiv koi bezrezervno se bori. Ili pa samo neka e protiv vlasta, pa i atomska da e. a?

сакам кажам - не знам речам

сакам кажам - не знам речам

Некојси грк ќе градел против

Некојси грк ќе градел против волјата на големиот рамадан од чаир! Кај го има тоа бе ало!

Полека полека избива тоа што

Полека полека избива тоа што го детектирав во сите текстови на господинот Рамадани што ги имам прочитано, дека ни тој не е имун на забната паста што ја користат неговите сонародници.

Постарите ќе се сетат за кој стар виц се работи.

Дали лицето Р.Р. е на слобода

Дали лицето Р.Р. е на слобода по последната акција на МВР?

ОкоБоли главаВицФото