Распеани Скопјани - Последен поздрав

[thumbnail]

Багерите не можат да ги срушат нашите сеќавања и сеќавањата на нашите родители, пријатели, познаници. Инвеститорот не може ниту да изгради поубави искуства од оние поврзани со Скопје како градот на солидарноста, со нашиот прв концерт со гостите Хоркестар од Белград, стотиците приватни приказни на скопјаните од различни места и времиња…

Како што не сме заборавиле дека на плоштадот некогаш стоеше новогодишна елка, дека паркот спроти собранието беше посветен на жената – борец, така нема никогаш да заборавиме на овој простор, цитатот кој повикуваше на нов, отворен град на солидарноста, ќошињата и бетонските платформи на кои сме седеле до ниедно време, графитите, собирите, темниците, клубовите.

Збогум цитату, збогум простору, добредојдовте сеќавања. Скопје доживеа невидена катастрофа!