1012 hPa
100 %
11 °C
Скопје - Вто, 23.04.2024 10:59
Жирито на овогодинешниот АКТО фестивал во состав: Агата Рогош од Полска, независен куратор, Слободанка Стевческа (ОПА), визуелен уметник, и Софија Ристевска, театарски режисер, ја додели наградата за интердисциплинарност “Драгиша Наневски“ на групата ШКАРТ од Белград, Србија, за проектот “Клацкалки – полигон на нерамнотежата“.
Жирито се одлучи за овој проект бидејќи истиот се обраќа на различни групи на публика и целосно комуницира со градот. Во исто време се работи за интерактивен проект кој го потпомага креирањето и формирањето на идната публика на современата уметност, но и дава до знаење дека клацкалките не функционираат ако ги користиш сам. Проектот преку игра поттикнува поголема свесност и размислување за структурите на моќ, кои постојат во нашето секојдневие.
Оваа година жирито одлучи да додели и една Специјална АКТО награда на проектот “ На Битола со љубов” на Ѓорѓе Јовановиќ, заради партиципативноста, непосредниот однос со публиката и потенцијалот што го носи овој проект за поттикнување на поактивен однос на граѓаните кон проблемите во нивната локална заедница.
Честитки за Џоле!
Испратено на 16 август 2012 од filtraЧеститки за Џоле!