Основците сè подоцна стапуваат во сексуални односи

Скопје, 11 октомври 2012 година

Учениците од основните училишта сè подоцна стапуваат во сексуални односи, покажаа резултатите од истражувањето кое го спроведе Институтот за утврдување на границите за полова зрелост. Истражувањата покажуваат и дека основците, кога станува збор за првиот секс, сè повеќе заостануваат зад средношколците затоа што во сексуален однос стапуваат само седум проценти од седмоодделенците и осмоодделенците, наспроти 14 проценти од учениците во прва година од средните училишта.

Професорот Сексољуб Методолошки ни изјави дека процентот на основци кои имале сексуален однос, од година во година е сè помал и дека полека го губиме чекорот со земјите од регионот, кога станува збор за сексуалната активност на нашите основци.

-Македонија, според бројот на малолетнички забременувања со години го држеше приматот во Европа, а сега не сме повеќе ни први во регионот. Причината за тоа се пред сè основците чија сексуална активност е на загрижувачки ниско ниво.

Последните податоци покажуваат дека просечната девојка првото сексуално искуство го има дури на 15 години, а тоа, мора да признаеме е поразително, напоменува Сексољуб.
Според неговите зборови, постојат повеќе фактори кои влијаат на тоа.

-На прво место е стравот од осуда од околината, па потоа сокривањето на сексуалниот чин од своите врсници итн. Потоа, тука се и сексуално преносливите болести за кои децата се исклучително добро информирани. Исто така, присутен е и стравот од абортус, истакнува нашиот соговорник.

-Тоа се чувствителни години, кога младите се бараат себеси и кога се изложени на разни влијанија. Ако постојано гледаат серии и филмови кои носат порака дека за првиот секс треба да се чека вистинската личност, тогаш не треба да не чуди тоа што состојбата станува алармантна, заклучи професорот Методолошки.

Адаптирано од: http://www.njuz.net/