СООПШТЕНИЕ по повод најавениот протест на уметници против предлог-мерките за штедење на СДСМ

22.12.2012 13:06
СООПШТЕНИЕ По повод најавениот протест на уметници против предлог-мерките за штедење на СДСМ

Советот за култура при СДСМ изразува најгорко жалење од прифаќањето на дел од уметничката и културната фела да биде инструмент во пресметката на власта со опозицијата. Не сакаме да помислиме дека власта најбезобѕирно ги уценува уметниците и културните работници од националните и другите буџетски установи терајќи ги да излезат на овој апсурден протест. Ние сметаме дека индивидуално естетско и интелектуално кредо на секој уметник треба да биде постојаниот критичен однос кон општеството и особено кон политиката. Уметниците се вечни незадоволници и совест на општеството и токму нивните визии за подобар свет го движат општеството напред.

За сите овие години на владеење, со исклучок на неколку парадни чинови, културниот живот и статусот на уметниците не се подобри. Министерството наметна апсолутна централизација и големите проекти самото ги спроведува. Уште постравично, главен учесник е во криминалниот и кичерски проект Скопје 2014. Македонската жива култура и проектите на уметниците се запоставени и тие нема да бидат приоритет ниту во наредната година.

Затоа сметаме дека е недостоинствено да се биде дел од таа Потемкинова циркусијада на актуелната власт, која под присила ги организира своите членови на „спонтани“ собири против опозицијата.

СОВЕТ ЗА КУЛТУРА ПРИ СДСМ

Слика: Свирачиња

Слични содржини

Општество / Став

ОкоБоли главаВицФото