Тројца на бесилка

28.12.2012 10:06
Тројца на бесилка

1.
Ме обесија. Без клун бев гракав.
Од бајат залак повеќе сакав.

2.
Ме обесија. Без трошка мака.
Од капка вода повеќе сакав.

3.
Ме обесија. Требаше така.
Од голтка воздух повеќе сакав.

                       *

Песната им е дупка во ветер.
Ветрот ја чува и ќе ја каже
на ветренца внуци. В пресрет му лета
подземно ехо

На секое грешно и алчно маже-
слушате ли Мијаци
слушате ли Брсјаци-
државската каса му купува јаже.

Песната е преземена од книгата „Евангелие по Итар Пејо“.
Слика: Виктор Иго