1009 hPa
62 %
10 °C
Скопје - Саб, 20.04.2024 00:59
УМОРЕН ЧОВЕК
Некој откинуваше од него
Малку по малку.
Го остави обезбоен
И потресен.
Во чудо се бараше
Но не се пронајде повторно.
Од него нараснуваше злото
Сè додека не го обвитка.
Уморниот човек
Се препушти на судбината.
ЗЕМЈА ОД КАРТОН И ПАМУК
Во таа земја каменот не се разликува
Од птицата или душата:
Од памук се и од картон.
Кој сака нека ја извади душата
И нека ја стави на страна
И нека ја гледа како туѓо битие:
Сум видел духови на дрвја, птици, луѓе.
Луѓето-кукли пејат нема молитва:
Нивниот Господ Бог носи бела брада.
Луѓето-кукли и душите од памук!
Насмевки од тесто!
Дрвја од гума!
Очи невини и остри!
Боите се бледи, не врескаат.
Простор од два метри кубни.
Огнот е црвена марама, да ја земеш в раце.
Оваа земjа по картонот ја начкрта дете.
Детето сонува: не го буди.
Превод: Иван Шопов
Цртеж: Франц Кафка