1007 hPa
94 %
11 °C
Скопје - Чет, 25.04.2024 18:59
27.02.2013 (среда), 12.00 -13.30 ч, клуб ГЕМ
Коалицијата СЕКСУАЛНИ И ЗДРАВСТВЕНИ ПРАВА НА МАРГИНАЛИЗИРАНИТЕ ЗАЕДНИЦИ има за чест да ве покани на дискусија по повод објавувањето на публикацијата „Медиумите, говорот на омраза и маргинализираните заедници: Водич за медиуми“.
Свое излагање на дискусијата ќе имаат авторите на публикацијата, Жарко Трајаноски, Тамара Чаусидис и Роберто Беличанец, како и двајца членови на Советот за радиодифузија, г-дин Лазо Петрушевски и г-ѓа Емилија Јаневска.
Публикацијата го адресира прашањето за почитувањето на новинарските стандарди при известувањето за различностите и за дискриминацијата, особено врз основа на родот, сексуалната ориентација, здравствениот статус или на припадноста кон некоја маргинализирана група.
Медиумите и медиумските професионалци имаат една од главните улоги во борбата против дискриминацијата и во охрабрувањето на интеркултурниот дијалог. Со препознавањето и со осудата на дискриминацијата, говорот на омраза, и на насилството кон маргинализираните групи, новинарите можат да помогнат во надминувањето на нееднаквоста и на повредите на основните права. Се надеваме дека со вашето присуство ќе ни се приклучите кон заедничкото поттикнување и промовирање на демократските и професионалните стандарди во македонското новинарство и медиуми.
Ве молиме за потврда на вашето присуство.
Со почит,
Славчо Димитров, Извршен директор
Коалиција ’Сексуални и здравствени права на маргинализираните заедници’
Партизански одреди 23-1/7, 1000 Скопје
www.coalition.org.mk