1008 hPa
76 %
8 °C
Скопје - Саб, 20.04.2024 02:59
Скопје, 18 март 2013
Во изјава за најновиот број на филозофското списание „Портокал на мудроста“, истакнатиот филозоф и мистик Полтрониј Куроглавски откри дека во неговата најнова книга ќе ја образложи врската помеѓу проблемот со името помеѓу Македонија и Грција, и дупките на улиците и останатите локални теми.
Куроглавски вели дека воопшто не е чудно тоа што на митинзите на владејачката партија, во очи на локалните избори, доминираат национални и националистички теми.
„Иако навидум изгледа чудно, името на државата е во директна поврзаност со состојбата на патиштата, улиците, водоснабдувањето, паркингот, загаденоста на воздухот, зелените површини и другите работи што влијаат врз квалитетот на животот“, вели Куроглавски.
До овие сознанија истакнатиот познатиот филозоф дошол откако присуствувал на десетина митинзи на владејачката партија и детално ја анализирал нивната содржина. Дополнителен поттик за откритието била и позитивната промена на неговата девизна сметка.
Ексклузивно за Пара вести, Полтрониј Куроглавски обелодени дека во завршна фаза се наоѓа и неговата студија која докажува дека за сегашната мизерна состојба на земјата виновни се владетелите од пред 15 години. Книгата има работен наслов „Бранко е крив - медитации на еден морон“ и ќе биде објавена за издавачката куќа Тресикур прес.
Слика: Jean Leon Gerome