Ретко интервју со Силвија Плат и Тед Хјуз за книжевноста и љубовта

Во едно инспиративно интервју познато под насловот: „Two of a Kind: Poets in Partnership“, снимено во склоп на познатиот радиски серијал на BBC – „Poet’s Voice“ од 1960-те, брачниот и поетски пар Силвија Плат и Тед Хјуз ги откриваат не толку познатите аспекти од нивниот заеднички живот и своите интимни размислувања за поезијата, љубовта и интимноста.

Снимките од споменатиот серијал на BBC, кои Плат, познатата книжевна и феминистичка икона започнала да ги снима во 1960 година и работела на нив сè до нејзината смрт во 1963 година се зачувани во аудио-архивата на Британската библиотека и издадени како компилација под насловот: „The Spekn Word: Sylvia Plath“.

Колекцијата е составена од изведби на нејзините познати поеми и песни, поетски анализи, автобиографски забелешки, а тука се наоѓа и ова интервју кое новинарот Овен Леминг го водел со сопружниците Плат-Хјуз.

Во дваесетминутното интервју, снимено на 18 јануари 1961 година, а кое било емитирано на 31 јануари истата година, двајцата уметници откриваат детали од својот заеднички живот и животно партнерство, опишувајќи каков е животот со нивната заедничка муза.

Иако се разделиле по една година, разговорот сведочи за нивната длабока поврзаност и го прикажува необичниот склад кој ги соединувал нивните креативни инспирации.

„Двајца луѓе... кои се споени на овој спиритуален начин всушност се една личност... еден извор на моќ, кој и двајцата можат да го користат и двајцата можат да бидат инспирирани од неверојатната енергија на нивниот заеднички ум.“

Извор: Brain Pickings