1006 hPa
72 %
13 °C
Скопје - Чет, 25.04.2024 10:39
Никогаш не сум била член на ниедна партија. Дома не ме учеа да се пикам во партии, туку да имам свој став за нештата. Заминав од земјата во 2002, а се вратив во 2006 година. Го донесов и мажот ми овде, во ветената земја на Балканот, без која јас не можев да живеам, а тој не можеше без мене... тоа што тој го прави кај нас се нарекува - невозоможна мисија.
Но и тоа низ кое јас минував не е ништо полесно. Кога ќе дојдат времиња на слобода ќе ви го отворам срцето, иако тоа и сега често го правам. Честопати сакам да заминам засекогаш и тоа лесно можам да го направам, но мојот „Том Круз“ го даде сопствениот живот како влог за мене и за мојата земја. Пред извесно време запознав уште една личност со „невозможна мисија“, која сметам дека е наша последна шанса за малку светлина во мракот. Имав можност да разговарам со Стево Пендаровски.
Додека го слушав и гледав, видов голема причина да останам во татковината и уште поголема причина да го поддржам. Во суштина, тоа што тој го сака за сите нас, го сакам и јас. Секоја земја од Балканот би посакала ваков претседател, а ние и го имаме. Не се повеќе во прашање партии и политики, прашање е само дали ние имаме свој сон за својата земја или ќе дремеме како стадо во автобуси. Јас ќе гласам за себе, кога ќе гласам за него. И конечно, додека едни уметници го продаваат името со „донации“, контрапротести, функции, други не се општествено засегнати, одговорни и освестени, трети - го даваат срцето како влог за татковината.
Извор: Фејсбук профилот на авторката