Успех на македонската актерска екипа со текстот на Мимоза Ристова на фестивал во Франција

15.05.2014 08:06
Успех на македонската актерска екипа со текстот на Мимоза Ристова на фестивал во Франција

Големи аплаузи го проследија настапот на екипата од Македонија на Фестивалот Еуротопик (Les Eurotopiques) во францускиот град Туркуан на 13-ти мај. Театарски уметници се претставија со развиена форма на драмско читање на текстот „Блескавата љубов на Марија Склодовска Кири“ од професорката на Прородно-математичкиот факултет, Мимоза Ристова, која во моментов е Фулбрајтов визитинг професор/истражувач на Лоренс Беркли Националната Лабораторија во Беркли, САД. Овогодинешната тема на фестивалот е токму страста, со која изобилува драмскиот текст на Ристова. Инаку, тесктот е драматауршки оформен од професорот Наум Пановски, уметички директор на Поезис Театарот од Њујорк (Poiesis Theater Project).

„Блескавата љубов на Марија С.К.“ e повеќеслојна комплексна сторија за најпознатата жена во светотот, Марија Склодовска Кири. Нитките на страста кон науката, љубовта и борбата со севозможни видови на дискриминација внимателно се ткаени во секој од чекорите во оваа интензивна човечка драма.

Текстот на фестивалот го претстави уметничката екипа: Нина Николиќ – режисер, Драгана Лукан Николоски – драматург, Амернис Нокшиќи – актерка и Висар Вишка – актер. Со снимени тонски материјали од своите гласови учествуваа и актерите Петре Арсовски и Нина Деан.

„The Radiant Love of Maria S.C.“ од Мимоза Ристова се најде во друштво на десетте селектирани драми од околу сто пријавени, а воедно е и единствен проект од земја која не е членка на Европската унија.

Инаку, поддршка за реализацијата на овој проект не беше побрана од МОН на РМ. Продукцијата на читањето и настапот на екипата од РМ беше поддржан единствено со средствата од проектот Еуротопик, т.е. од Европската Комисија.