1010 hPa
31 %
22 °C
Скопје - Чет, 28.03.2024 12:28
Антонио Фраскони (1919-2013) е уругвајско-американски визуелен уметник, роден во Буенос Аирес, Аргентина, но уште како дете со семејството се преселува во Монтевидео, Уругвај, каде што ги поминува детството и младоста.
За време на Втората светска војна, една изложба за импресионизмот и постимпресионизмот организирана од Французите во Латинска Америка ќе изврши големо влијание врз него: уметниците како Ван Гог и Сезан ќе ја обземат неговата имагинација. Сепак, она што најмногу ќе го привлече е делото на Пол Гоген.
По завршувањето на Втората светска војна, тој се сели во САД, каде работи како градинар во Santa Barbara Museum of Art. Интересно, токму тоа е музејот каде што ќе се одржи неговата прва индивидуална изложба, местото од каде што почнува неговата афирмација како уметник.
Иако е најпознат по неговите принтови на дрво, Фраскони е добитник на голем број признанија за илустрациите на детски книги, а особено внимание привлекуваат неговите авторски илустрирани книги, од кои повеќето се повеќејазични.
Подолу може да ги погледнете илустрациите на Фраскони од книгата „See and Say“, сликовница на четири јазици.
Извор: myvintagebookcollectioninblogform.blogspot.com