Винтиџ сликовници: Oh, what nonsense! од Томи Унгерер

Жан Томас „Томи“ Унгерер (1931) е француски илустратор и писател кој пишува на три јазици: англиски, германски и француски. Објавил повеќе од 140 книги, од книги за деца па сè до контроверзни дела за возрасни, кои се движат од автобиографското до фантастичното.

Кога бил млад, Унгерер се инспирирал од илустрациите кои се појавувале во магазинот The New Yorker, особено оние на Соул Стајнберг. Во 1957, годината кога се преселува во САД, ја објавува својата прва книга за деца: „The Mellops Go Flying“, а потоа и втората „The Mellops Go Diving for Treasure“. До првата половина на 1960-тите веќе објавил десетина книги за деца, а започнал да илустрира и книги за деца од други писатели.

Стилот на Томи Унгерер го пофалил и Морис Сендак, нарекувајќи ја неговата книга „Moon Man“ (1966) „една од најдобрите сликовници напишани во последно време“.

Меѓу најпознатите книги за деца на Унгерер се The Mellops Go Flying (1957), Emile (1960), Snail, Where Are You? (1962), Oh, What Nonsense! (1966, илустрации), Orlando, the Brave Vulture (1966), No Kiss for Mother (1973), Tortoni Tremelo the Cursed Musician (1998), Zloty (2009) и други.

За своето творештво Томи Унгерер во 1998 година ја добил наградата Ханс Кристијан Андерсен, највисокото признание за илустратори и писатели за деца.

Подолу претставуваме илустрации од Унгерер за книгата со поезија за деца „Oh, wnat nonsense!“ од Вилијам Кол.

Извор: myvintagebookcollectioninblogform.blogspot.com