Да се излезе или не?

25.01.2010 11:00
smoke.jpg

Ако нешто ни оди од рака во Македонија, тоа е способноста да се поделиме и да останеме глуви за потребите (или желбите) на Другиот. Не нè интересираат ниту ставови, ниту аргументи, зашто знаеме дека Ние сме во право, а Вие немате појма!

Компромисот воопшто не влегува во игра зашто „компромис = загубена битка“, т.е. не е по мое.

Од Нова година наваму имам излезено два пати. Еднаш за да видам како е, а вториот пат на роденден. Првиот пат испив едно мало пиво за пет минути и си се вратив дома. Не ми се ѕенѕаше на ладното за да пушам цигара. Можам да поминам неколку часа, па дури и неколку дена, недели, месеци без да запалам цигара. Сум го правел и го правам тоа од време на време. Меѓутоа, сакам да го имам изборот да запалам цигара кога и каде ќе ми текне. Најверојатно исто како што непушачите сакаат да влезат во просторија што не е зачадена. Кога одам на гости каде што знам дека е забрането пушењето, ги почитувам правилата на куќата и не сум барал да се прават специјални исклучоци за мене. Но, ако веќе давам пари за кафе или пиво (и тоа огромни суми во споредба со набавната цена), сакам да ја имам слободата да запалам цигара. Исто како што непушачите сакаат да бидат ослободени од туѓиот чад.

Постојат многу начини како да се постигне компромис на темава. Повеќето од нив дури не ни вклучуваат посебна просторија за пушачи каде што не се служи јадење/пиење и не смее да влезе келнер (како што (официјално) е уредено во некои европски држави). Ако, да речеме, се дозволи на кафанџиите да решаваат (или плаќаат лиценци) за тоа дали ќе се пуши во нивниот објект или не, знам дека има такви што ќе решат да го направат кафулето или кафеаната специјално за непушачи. И супер е тоа, меѓутоа јас нема да влезам кај нив. Исто како што очекувам непушачите на кои што толку многу им пречи чадот да не влегувале во зачадени објекти до сега. Сосема ми е логично да не одам онаму каде што не сакам да бидам. Ако се „жртвувале“ до сега за да имаат „социјален живот“, тоа е нивен проблем. Како што кажав: до сега имам излезено во кафуле два пати, откако се воведе забраната. А сепак имам богат „културно-забавен“ живот.

Она што ми пречи е повторната поделба на Ние и Вие. Да, океј, огромна е разликата од пушач до непушач – барем што се однесува до навиките. Меѓутоа воопшто не се размислува за некаков компромис. Едните веднаш рипнаа и почнаа да лепат фашистички етикети на Владата, а другите конечно можеа да земат здив. Ако Владата е виновна за нешто, тоа е copy/paste на закони од други места без да размисли дали тој закон може да се подобри или дотера или да се измени за да може и волкот да биде сит и овците да се на број. Забраната за пушење во ваква форма е преземена од европските забрани. Некој, како Коце, се има прошетано низ Европа, видел како е таму и решил дека и во Македонија треба да има такво нешто. А тоа што непушачите, конечно, после цел живот излегување во зачадени простории, можеа да дишат „чист“ воздух е, повторно, нивен проблем. Ако толку им сметал чадот, можеа до сега да издејствуваат некој закон со кој што ќе се регулира пушењето – со компромис, се разбира. Тоа што го имаше до сега, божемските места за (не)пушачи, факт е дека беше смешно и неспроводливо во македонската реалност (каде што кафулињата најчесто немаат никаква вентилација освен ширум отворена врата).


Изговорот дека забраната е воведена заради здравјето на народот е, во најдобар случај, смешна и патетична, а во најлош навредлива. Ако толку се грижат за нашето здравје, тогаш треба да се забрани возењето автомобили, јадењето свинско месо (во јавни објекти?), повраќањето во јавни објекти (да, можеби е валидно повраќање, но може да е и булимија), нејадењето оброци во точно определено време, физичката неактивност, прекумерното гледање телевизија, прекумерната работа пред компјутер, прејадувањето, пиењето алкохол (во јавни објекти?), пиењето Кока-кола (и воопшто сите газирани пијалоци), пиењето кафе... Премногу работи влијаат врз нашето здравје за да може да се каже дека ако (не) го правиме ова или она ќе бидеме поздрави.

Првата цигара ја запалив неколку дена по смртта на баба ми. Умре на 65 години од рак на бели дробови – две кутии дневно. Дедо ми, нејзиниот сопруг, умре на 80, од старост – исто две кутии дневно. Другиот дедо умре од инфаркт на 68, без да запали цигара во својот живот, хранејќи се со здрава храна речиси цел живот. А еден мој братучед, непушач, умре на 24. Луѓето умираат нон-стоп, без разлика дали се пушачи или не. Некои доживуваат длабока старост, некои умираат уште пред да можат да живеат. Без оглед на начинот на живот. Од сите оние луѓе што изгинаа во Хаити, што мислите, колку биле непушачи?

Ако не може да се договориме околу ваква работа и да направиме некаков компромис со кој ќе бидат задоволни и едните и другите, како може да очекуваме договор за што и да е? Нема потреба од попуштање, само мало маневрирање. Ако кафанџиите треба да плаќаат лиценца за да може да се пуши кај нив, верувам дека ќе има такви места што со гордост ќе бидат непушачки.

Бојан, компромисот е

Бојан, компромисот е направен. Пушењето не е целосно забрането, туку е забрането само на јавни места. Лани преклани беше забрането во фирми и никој не се бунеше. Сега кафеанџииве се бунат со пола уста.
Ако сакаат кафеанџиите компромисот да се прошири и на нивните „територии“, тогаш нека запнат малце со лобирањето (доцнат веќе 3 години) и плус со осовременувањето на системите за вентилација. И физичко одвојување на просторите за пушачи и непушачи.

Добар, објективен

Добар, објективен текст.
 
Сакам само нешто да предочам, пред се’ за угостителите и нивниот „протест“. На пример, во Штип на денот на протестот, работеа БУКВАЛНО сите локали, ресторани, кафулиња, клубови и дискотеки. И тоа, беа полни.
 
Не знам како било во Скопје, сакав само да споделам искуство.

Нема врска ова статистиките

Нема врска ова статистиките што викаат. Се се тоа бројки кои се однесуваат таму на некои луѓе кои ни ги знаеш ни ги познаваш. Следствено, кај може па за тебе да важат тие "статистички законитости".
А може и лажат тоа статистичарите. За пари.

Уставен Суд?!?

Ние македонците досега во овие нецели 19 години (не)зависност се покажавме како светски шампиони во цинизам и дефекаторство. Секогаш кога се донесува некој нов закон или правило кое ни ги скратува дотогашните права, ние реплицираме само со отворено негодување и спротивставување, и во најдобар случај - со неколку нови вицеви на нашата лузерска сметка; и тоа трае некои две-три недели, после си легнуваме на брашното.  Не дај Боже да се организираме на некаков легален начин (НВО, лоби-групи...) и со аргументи преку воспоставената правна процедура да се обидеме да се избориме за правдата.
 
Во случајот со законот за пушење, сметам дека е лично право на сопствениците на јавни објекти да одлучат дали ќе се пуши или не во нивните простории. Нешто слично како со ограничувањето на работното време до 24-01 часот : ако сакаш да се пуши во твоево кафуле, ќе треба да платиш дополнително данок ли, лиценца ли, како сакате наречете ја мерката, секогаш зборуваме за - пари. Понатаму останува изборот на кафеанџиите да проценат дали ќе заработат со привлекување „пушачки“ муштерии или не. На крајот на краиштата, не е Владата на РМ косопственик во угостителските објекти, па со декрети да наредува што ќе им се сони...
 
Во последно време ситуацијата е токму таква : copy/paste законодавна политика која има за цел континуирана и систематска рестрикција на човековите слободи и права. И не е ова Грујова идеја : и тој самиот е свесен дека со вакви закони, спротивни на духот на народот и традицијата, сам си го копа изборниот гроб, но директивите на сивите еминенции мораат да бидат почитувани за да не заврши и тој како Трајковски. Повеќе не сакам да полемизирам, туку сакам да завршам со конкретен предлог : Сопствениците на објекти од „јавен карактер“ да поднесат предлог до Уставниот Суд за преиспитување на уставноста и законитоста на законот, бидејќи е во директна спротивност со чл. 30 став 2 и чл. 58 став 1 од Уставот на Р.М (подолу имате линк до интегралниот текст на Уставот).
 
И за крај - ако ве лажат дека законов е од јавен интерес, тогаш прашајте ги зошто целосно не го криминализиираат пушењето. Помалку лицемерно би било да го вбројат и тутунот во наркотични производи...
 
http://www.president.gov.mk/UserFiles/File/Ustav%20na%20RM/Ustav_na_RM%20nov.pdf

Да, и во Скопје имаше објекти

Да, и во Скопје имаше објекти кои работеа, но воглавном се почитуваше штрајкот. Не е во ред тоа што и кафанџиите се поделија, а оние чии газди се блиски до власта иако не им одговра законот, не штрајкуваа.

Да се Пуши или Не

 Пушачка Демагогија
Ми се допадна главната идеја на твојот текст, односно постигнувањето на компромис. Само ако ми дозволиш имам една мала забелешка, имено сметам дека твојата мисла е конфузна во целина, и комплетно ја промашуваш суштината на постигнувањето компромис, за кој ти наводно се залагаш.
Почнувам од почеток, најпрво велиш дека во Македонија ни одело од рака да се поделиме и да останеме наводно глуви за потребите и желбите на другиот, претпоставувам алудирајќи на тоа дека во моментов законското решение за целосна забрана на пушењето е комплетно глуво за потребите на пушачите. Понатаму во поглед на поддршка на твоето тврдење дека некои луѓе немаат волја за компромис, велиш дека нив всушност не ги интересирале ниту туѓите ставови ниту нивните аргументи.
Пролжуваш со илустрација на твојот социјален живот, и несвесно плукаш на она што го кажа погоре, за имањето во предвид на туѓите ставови и аргументи велејќи: “Меѓутоа сакам да запалам цигара кога и каде ќе ми текне”. За иронијата да биде уште поголема подолу во текстот во ист контекст повторуваш, “Сосема ми е нелогично да не одам онаму каде што не сакам да бидам. Ако се “жртвувале” до сега за да имаат “социјален живот”, тоа е нивни проблем”.
Зарем има потреба да коментирам каква демагогија е твоето наводно залагање за компромис?!
Велиш постоеле многу начини да се постигне компромис на темава, притоа комплетно промашувајќи ја темата. Непушачите до сега точно е дека се жртвуваа за да имаат социјален живот. Да, тоа беше компромис. Имено секој непушач правеше компромис секоја вечер кога ќе излезеше во просторија каде што се пуши, а сега кога пушењето е забрането во сите објекти, пушачите се тие кои треба да направат компромис, со тоа што ќе жртвуваат дел од својот комфор за да не го жртвуваат “социјалниот живот”.
Некои проблеми имаат средно решение кое би ги задоволило двете страни во целина, некои немаат. Оваа проблем за жал нема. Дозволи ми да ти објаснам и зошто. Лично, како не-пушач сметам дека мала е жртвата (во поглед на комфорот) што ја прави непушачот при излегувањето пред врата за да запали цигара, додека несразмерно поголема е жртвата што треба да ја прави не-пушачот кој треба неколку часа да биде подложен на discomfort во најмала рака.
Не сакам воопшто да навлегувам во тоа, дека пушењето е штетно по здравјето и дека како последица на модерното живеење и дузина други ствари се штетни по здравјето. Или пак во сосема беспредметни расправии за тоа, ако наводно ако нешто друго било негативно зошто и тоа не се забранело во целост?! Таквото размислување е само резултат на грешка во логичкото расудување. Со други зборови доколку некоја научно докажано штетна пракса (пушењето) е регулирана со закон, а некоја друга штетна појава не е сеуште регулирана, не значи дека и првата треба да остане не-регулирана заради тоа што втората е непогодна да биде или сеуште не е регулирана.
Сосема не си во право кога велиш, “Премногу работи влијаат врз нашето здравје, за да може да се каже дека ако (не) го правиме ова или она ќе бидеме поздрави.” Се разбира дека можеме да утврдиме кои нешта влијаат негативно врз нашето здравје, и научно може да се утврди точно кои се тие нешта и како влијаат врз здравјето на човекот.
И за на крај ќе те оставам со најголемата иронија од твојот пост, а тоа е следново, секое законско решение кое прави поделба на простории за пушачи и непушачи е токму продлабочување на поделбата на вакви и онакви, за која всушност негодуваш, и истото не претставува компромисно решение. Компромисно законско решение кое би го регулирало овој проблем е токму целосната забрана за пушење, или воопшто не регулирање на проблематиката, односно целосна либерализација и слободно пушење каде било. И додека во првиот случај компромисот не жртвува ништо друго освен комфорот на пушачот, во вториот компромисот бара многу поголема жртва, која не-пушачите до сега беа волни да ја прават, како не би се двоеле. Следстветно, не само што не-пушачите правеа безброј компромиси кога е во прашање социјалната кохезија, непушачите се најчесто оние кои не се спремни да жртвуваат ни јота од својот комфор.
Авторот е обожавател на пушење,
но за разлика од пушачите,
тој не е пушач.

Браос, Priapush! Сјаен

Браос,

!:))

  Законот е дискриминаторски

 
Законот е дискриминаторски кон одреден животен стил. Идејата да се заштитат непушачите во целост ја поддржувам, ама моменталната имплементација оди многу подалеку. Делот кој забранува пушење на одредени отворени простори е особено индикативен, не знам каде нашле истражување кое наведува дека и тоа им штети на непушачите.
Ако идејата не е да се заштитат непушачите, туку да се присилат пушачите помалку да пушат, тогаш се работи за многу опасна идеја.
 
 

Добро, до вчера беше

Добро, до вчера беше дискриминаторски кон другиот, здравиот, животен стил. И сега? Пред 3 години излезе законот, и никој не реагираше, односно само нагаѓаа дека нема да се спроведува. Мислам дека сега за сега, главно се засегнати само кафеанџиите, ама мислам дека не лобираат и никакви напори не прават во права насока...
Туку дали е опасна идејата да се намали консумирањето алкохол?

Ok e da ima vakvi debati, ne

Ok e da ima vakvi debati, ne deka neshto bitno ke smenat..,ali ako.Jas ( kao ex pushach) mislam deka nekolku momenti se tie shto se bitni u prikaznava.
Prvo - Site ovie "Chegevari" na koi im e zagrozeno pravoto na izbor ( vidi bogati) posho nemozat da potrujat   nedolzni luge na javni mesta treba da odgovorat: Dali sakate vasheto 3 godishno dete da bide islozeno na "dimna  zavesa polna so kancerogeni chestici " na nedelniot rucek samo radi nechii kef!?Nema pushach na svetov shto ke posaka kako roditel negovoto dete makar i na 21 god. da pushi cigari? Taka? ( a toa dali ke mu dadete koka-kola ili sok od morkov -ceden , e vash izbor) . Muabetot " ne idi u kafana ako ti smeta" e za 1950g u Afrika ne za 2010 u Evropa.( a nie tamu sakame, neli?).
Vtoro: Da , u pravo si 120 den pivce i da ne mozam da zapalam, ne ide..ama i jas cela mladost ( 20 god ) ja pominav po skopskite dupki narecheni kafulinja od po 30 m2 i nieden od tie "UGOSTITELI" koi btw gi plakaa svoite vraboteni po 250 den od vecer, ne im  tekna da se potrudi za malku popristojni "zivotni uslovi" za personalot  i gostiteSea demek ne im bilo za nav lichno , za vrabotenite i nivnite primanja , za gostite se sekirale..shijem ti ga Dzuro..Po diskotekite beshe najlosho.Postojano bea (se ) prepolni i poveke odoshto sobiraat bez soodvetna ventilacija. Da se razbereme glupo e da zabranish pushenje u kazino , strptiz barovi, nokni klubovi, i drugi " porocni" mesta koi se zabraneti za maloletnici.Tuka e zakonot prestrog, da..sporded mene..Ali  vo diskoteki na "junior " party za 16 g deca..Abe se pusheshi vo igracnici !!!
Treto: Prava i slobodi, hm..bilo hipokrizija da dozvolish sloboden promet so cigari ( i alkohol ) a da go zabranuvash nivnoto koristenje. Se slagam. Samo na toa se plaka danok neli. Legalni drogi se , sho da vi kazam".Nicotin and alcohol , good drags , tax drags"!Tie shto mislat deka cigarite ( nicotinot) ne e droga neka probaat da nepushat 5,6 dena... ili neka ne se machat, neka prochitaat bilo kade..Najmnogu me iziritiraa debatite na nekoi nashi televizii kade shto bukvalno se promovirashe pushenjeto, od javni lichnosti , koi se najdoa povikani da govorat za "represivnite merki na nacistichkata vlada na vmro-to" samo poradi  toa shto se pushachi.Nevidov debata so doctor, lekar po medicina, pulmolog, kardiolog, neonatolog- pedijatar ..bilo shto...."A eve sea ke vidite kako vo Viena se pushi vo ova prekrasno kafule vo centarot"...a ne kazuvame kolkav % od Avstrijcite pushat i na koj ( shto e mnogu bitno)socialen sloj pripagaat istite.
Izlezi..zapali..i podaj na drug :)

"...a ne kazuvame kolkav % od

"...a ne kazuvame kolkav % od Avstrijcite pushat i na koj ( shto e mnogu bitno)socialen sloj pripagaat istite.
- многу ме интересира зошто е ова многу битно.

reply this post

Thank you a lot for the very good facts about this good post. Can you assist to determine the thesis writing service or an experienced buy dissertation service to purchase the legal dissertation from?

answer this topic

If you go on with your work connected with this good post, I will surely buy thesis help at the dissertation service in web.

reply

Everyone are often think of about the good old days. I answer, why don't you say the pretty good now days? I’ve got a lot of free time with term papers support, and can do everything what I want!

respond this topic

In the beginning, I started to look through your topic and didn't trust that could be so interesting. Last time I saw the term papers of such quality. I thought that simply the papers writing service could create the good quality custom essay.

reply

If you continue your professional article related to this post, could you please give some information about essay writing help, because I try to purchase custom written essay at the essay writing services.

wty

Cosplay Costumes Cosplay Wigs Movie TV Cosplay School Uniform Uniform Cosplay Cosplay Accessories . cosplay costumes cosplay sexy lingerie The Lingerie Store,The lingerie and nightwear SALE at Style Lingerie. All lingerie sale garments marked 30% to 70% off. Sexy lingerie, ladies underwear and designer nightwear lingerie store lingerie sale sexy lingerie Sexy Clubwear Lingerie, sleepwear and intimate apparel is our specialty, ranging from sexy lingerie to bridal lingerie, including corset, bras, thongs and stockings. Sexy Costumes sexy nurses costume sexy Sports costume Vinyl Lingerie lingerie sale

ОкоБоли главаВицФото