Непознатиот партизан

Девојчето ѝ зборува на пролетта

Пролет, ти го гледам цветчето в џбун,
Ти го слушам цвркотот во птичјиот клун.

Немој да мижеш, немој да се криеш,
Пролет, те молам, немој да спиеш!

Побрзај кон високине гори,
Таму мојот татко партизан се бори.

Сегде низ гората разлистај ги гранките,
Тие нека бидат куќа за партизанките.

Сите соби прекриј ги со цвеќе и трева,
Главата на партизаните меко да ноќева.

Два збора

Бел камен со два врежани збора:
НЕПОЗНАТ ПАРТИЗАН
Од каде е? Како се вика?
Не се знае.
Само се знае зошто паднал.

Бел камен и два збора.
И цвеќе.
Кој го донел? Кој го берел?
Не се знае.
Само се знае зошто го дал.

Сродна статија: Григор Витез - Птичји песни

Слика: Alexander Bogen