Во избори за нови победи

Краткиот филм „Во избори за нови победи“ снимен 1947 година во времетраење од 11 минути говори за првите избори за народни одбори во НР Македонија, за повоената изградба, како и за културниот, просветниот и стопанскиот живот во Македонија. Филмот е снимен во црно-бела техника во производство на Филмско Скопје.

Сценариото за филмот е на Коле Чашуле, снимател е Благоја Дрнков, а монтажата е на Воислав Бјењаш -Вања. Во 1948 година Министерството за просвета на НРМ го наградува Коле Чашуле за сценариото за овој филм.