1011 hPa
45 %
17 °C
Скопје - Чет, 28.03.2024 18:40
ВОЛКОТ И НОЈОТ
Еден волк, кој ненаситно распарчувал човек, се задавил со купче клучеви, па го замолил нојот да ја спушти главата во неговиот врат и да ги извлече, што птицата и го направила.
„Претпоставувам дека очекуваш да ти платам за оваа услуга“, рекол волкот.
„Љубезниот гест е награда сам по себе; ги изедов клучевите.“
ПОБЕДНИКОТ И ЖРТВАТА
Два петли се бореле и поразениот се извлекол и се скрил, а победникот се качил на ѕид и кукурикал на цел глас. Тоа му го привлекло вниманието на еден сокол, кој рекол:
„Види! Какво високо летање пред пад.“
Потоа се спуштил кон фалбаџиската птица и само што не ја уништил, кога петелот кој исчезнал излегол од скривалиштето, и покрај двата петли соколот бил катастрофално поразен.
Превод: Иван Шопов
Слика: Melchior de Hondecoeter