Фотографии плоштад слобода

За жал, пред да ги видам фотографииве, бев убеден дека се работи за млади луѓе со визии. Сега сум убеден дека се работи за инструирани дечиња и партиски активисти.

1. „Солун е Ваш, Скопје е Наше“ - политичка парола - делба на „Ваши и Наши“
2. „Педери у душа“ - Лицемерие до крај. Истите луѓе излегуваат на ТВ да го критикуваат законот за недискриминација - оти не биле спомнати „педерите“
3. „Ние сме од Скопје“ - да сте живи и здрави. Ние сме „провинцијалци“ од Македонија, за чија несреќа, комунистите го избраа Скопје за главен град (за да им е поблиску Белград).
4. „Јас не сум проект на Владата“ - точно. Плоштадот е еден од проектите, „фала Богу“. Онаа нива со плочки која е неспоредлива со ниту еден плоштад во посакуваната ни Европа - треба да се промени. Виена е „прекрасна“ заради Хабсбурговци на коњи, а нашите историски личности имаат плочки - заради тоа што „сега не е време“ (а кога е?)

За крај едно нејасно прашање. Како тоа, бруцоши кои првпат гледаат хамер - ги оценуваа уметниците со 20-30 години искуство? Врз основа на кој критериум? Оти се попаметни? Оти имаат подобар сенс за уметност? Или затоа што некој професор (кој по игра на случајот е партиска перјаница) им рекол така?
Е деца, деца... Некогаш, кога ќе ги седнете некогаш пред спомениците своите внуци - речете им: „многу бев млад и глупав - и дозволив да ме влечат за нос. Протестирав против култура! Оние кои ми ја дале слободата ги нарекував „неважни мртовци, кон кои нема потреба од почит“, а нивните споменици го правеа мојот град „некропола“