Стрпливо бебе ја заспало мајка му по три дена

18.12.2014 15:45
Стрпливо бебе ја заспало мајка му по три дена

Скопје, 18 декември 2014

Шестмесечниот Кристијан Марковски од Скопје, после цели три дена успеал да ја заспие својата мајка Ангела. Истакнува дека неговата упорност одиграла најголема улога, но и дека успехот се случил кога најмалку се надевал.

„Уште од нашите први заеднички денови, се обидувам да ја заспијам. Тоа е секогаш макотрпна работа, бидејќи мама знае да биде будна и по пет, шест денови. Понекогаш ми изгледа како да не сака да спие, постојано нешто прави и ме гњави, или ме преоблекува, ме капе и покрива, или ми го чисти папокот, носот и ушите. Веќе бев на работ на очајот и сè почесто се прашував зошто баш јас имам ваква мајка“, искрено раскажува Кристијан.

Додава дека со денови смислувал што би можело да ја заспие Ангела.

„Се трудев дење да ја изморам, а навечер да смислам некој трик. Понекогаш навечер се преправав дека спијам, ги затворав очите и молчев. Меѓутоа, таа ни тогаш никако не засиваше. Доаѓаше да ме покрива и да провери дали дишам“, раскажува Кристијан.

Признава дека почнал да губи верба во себе, затоа што постојано се прашувал што прави погрешно.

„Залудно со ноќи ѝ пеев, ја кубев за коса и ѝ го штипев лицето. Се чинеше дека нема ефект ни кога се галам околу нејзините гради, а можев да го правам тоа и по десет пати дневно. Понекогаш бев толку очаен, што од немоќ со часови плачев и ѝ се лутев, молејќи ја во себе конечно да се смилува и да заспие“, додава тој.

Кристијан се надева дека мајка му повеќе нема да му приредува бессони ноќи, зашто колку и да е убаво да се има мајка, признава дека понекогаш се прашува себеси дали бил спремен на сево ова.

Извор: www.njuz.net

Слични содржини

ОкоБоли главаВицФото