1008 hPa
67 %
12 °C
Скопје - Чет, 18.04.2024 15:59
Скопје, 4 март 2015
Откако до редакцијата на „Окно“ стигна писмо од адвокатската канцеларија Апостолски, која го застапува ректорот на УКИМ Велимир Стојковски, а во кое се бара повлекување и извинување на „дадени изјави кои содржат навреди и клевети против проф. д-р Стојковски“ за сатиричен текст од рубриката Пара вести, стасаа најави и за нови тужби.
Имено, покрај споменатата „проблематична статија“, правниот тим на првиот човек на УКИМ евидентирал уште неколку спорни моменти надвор од македонските медуми. Лоцирани се спорни карикатури во „Њујорк тајмс“ и во „Шарли Ебдо“ во кои ректорот се препознал и преку своите адвокати со писмо ги известил за своите намери да ги тужи.
„Коза ностра“ дојде до споменатите карикатури и ние како редакција можеме да ја потврдиме неодоливата сличност на истите со ликот и делото на споменатиот ректор, како и оправданоста на заканите за тужби.
Извор: kozanostra.net