Охрид

Откако пред неколку месеци ја претставивме епизодата од емисијата „Ходољубље“ посветена на Битола, го претставуваме и получасовниот материјал посветен на Охрид. За Охрид зборува босанскиот писател, сликар и карикатурист Зуко Џумхур (1920-1989), кој десет години ја водел оваа емисија на Телевизија Сараево. За жал, како и во случајот со претходната епизода, не успеавме да дојдеме до датумот на снимањето и емитувањето на емисијата. Но, во секој случај, „Ходољубље“ за Охрид е интересен архивски материјал.