Макхмалбаф: Спомениците во Скопје не само што се грди, туку се и со сомнителна општествена вредност

21.04.2015 11:32
Макхмалбаф: Спомениците во Скопје не само што се грди, туку се и со сомнителна општествена вредност

Иранскиот режисер Мохсен Макхмалбаф е познат како еден од највлијателните светски филмски режисери на денешницата и водечка фигура на новиот бран во иранската кинематографија.

Тој на вчерашната прес конференција по повод неговото учество на Скопскиот филмски фестивал, на новинарско прашање за спомениците во центарот на Скопје рече дека иако бил во повеќе од 250 светски метрополи – нешто вакво грдо – никаде не видел.

„Никаде не сум видел толку грда композиција на скулптури, тоа не е проблем само на уметничката копмпозиција, тие се и општествено проблематични. Да исечеш дрво за поставиш претстава на дрво, што е целта на тоа? Или што би значела скулптурата на Александар, тоа за мене е некој војсководец што ја нападнал мојата земја. Луѓето би требало да се препознаат во тие скулптури, треба да има скулптура на еден рибар или на еден работник од вашата земја. Но, мислам дека и народот тука е дел од проблемот, затоа што ако на луѓето не им се допаѓаат спомениците, а не наоѓаат начин да го артикулираат своето незадоволство и постои страв од тоа, се покажува каква е ситуацијата тука.“

На Скопскиот филмски фестивал беше прикажан новиот филм на Макхмалбаф „Претседателот“, приказна за еден диктатор и неговиот обид да се спаси од револуцијата.

Извор: A1он

Слични содржини

Јавни Простори / Став
Јавни Простори / Теорија
Јавни Простори / Став
Јавни Простори / Став

ОкоБоли главаВицФото