Барање до Јаким Неделков

12.06.2015 00:49
Барање до Јаким Неделков

БАРАЊЕ 

до

ЈАКИМ НЕДЕЛКОВ

СИНДИКАТ ЗА ОБРАЗОВАНИЕ НАУКА И КУЛТУРА - претседател

од

ИРЕНА РИСТИЌ

АКТЕРКА, ДРАМСКИ ТЕАТАР

Член на Синдикална организација при НУ Драмски театар Скопје

ПРЕДМЕТ: Барање за достава на записник, приговори, правно образложение и поука за поништување на избор на Претседател на Синдикална организација при НУ Драмски театар

Почитувани,

Согласно моето активно членство во СОНК и фактот дека никогаш досега немало на дневен ред на СОНК и на синдикалната организација точка за мое исклучување, поради непочитување на одлуките на СОНК и Статутот, Ве молам за писмена достава на - Записник од седницата на која бев едногласно избрана за нов претседател на синдикатот на Драмски (27 присутни активни членови), како и од онаа на која се решаваше за поништување на истиот избор за претседател на СОНК при Драмски театар.

Исто така и примерок од писмената одлука на СОНК, со правно образложение за поништувањето, точните забелешки за кршење на Статутот (согласно член 16, став 2 од Статутот, наведени како причина), како и правна поука за моето право на жалба по однос на новодонесената одлука за ново заседание и избор на нов Претседател.

Во исто време, имајќи предвид дека не се приложени никакви докази за кршење на Статутот од моја страна, напротив, не може да се избегне впечатокот дека се верувало само на збор на четворицата членови кои поднеле приговор, Ве молам за достава на материјални докази и четирите приговори, секако, врз кои се потпрел СОНК при поништување на изборот, на кој едногласно, нагласувам - едногласно, и без никакви притисоци од моја страна, бев избрана за Претседател за горенаведениот синдикат.

Со почит,

Ирена Ристиќ

11.06.2015 година

Актерка при НУ ДРАМСКИ ТЕАТАР СКОПЈЕ и член на СОНК

 

Извор: Фејсбук профилот на авторката
Фотографија: Ванчо Џамбаски

Слични содржини

ОкоБоли главаВицФото