1013 hPa
93 %
6 °C
Скопје - Пет, 19.04.2024 06:59
Екипата на Потлиста избра топ 20 песни посветени на најдоброто и единствено нормално превозно средство - точакот, велосипедот, бајкот... како сакате. Ја објавуваме на денот кога се одржува 38-та Критична маса.
20. Kartofel Osvetnik - Sobni bicikl
Собен точак е за во соба или за „батиња“ во теретана, а најчесто се користи како закачалка за алишта. Добра ствар е што не мора да му се менуваат гуми.
19. Djole feat Klasične Seljačine, Plema, Nidza Bleja, Roman, NmC, Leon - Vozim biciklu
Кога на земунци ќе им дадеш точак :) - многу лошо.
18. Zenit - Na biciklu
Оваа е ствена во листа бидејќи има точак во насловот и затоа што екипата на Потлиста се мазохисти.
17. Leteči Potepuhi - Bicikl
Некои Словенци, немаме поим што пеат, можеби некој од MakeDox може да ни помогне.
Како и да е, песнава освен што очигледно спомнува точак (насловот е разбирлив) е ужасна. Ни Копро не може да ја спаси.
16. DJ Krmak - Puče guma
Листава е на Потлиста и не им се мешаме во изборот. Нивниот интегрален коментар - ние ја слушаме песнава во 11:00 наутро, тие сигурно во некој вечерен термин:
DJ Krmak, još uvijek bolji DJ od svih koje poštaju na hrvatskim radijima. UUU HITČINA BOGTEJEBO.
15. A Zar Je To Važno - Rozi Bicikl
Траума која кај едно момче ја предизвикал розе точак... и ода за мајчинската љубов.
14. Bo - Bicikl
Од точка А, до точка Б, Бо ја опева слободата која ја овозможува возењето точак додека крузаш по улица, но пее и за опасностите од типот на отворена шахта, сјебан асфалт...
13. Antenat – Dva kotača
Реге опевање на магичните две тркала.
12. Željko Tutunović - Bicikli
Дечково сакал да си фати девојка, купил кола, ама...
11. Zvonko Špišić – Bicikl
Ах, времиња. Човеков нема точак, му треба на пола ден, па го наоѓа другарот од истата чета од војната и му го бара на заем. Точак = суво злато.
10. Kandžija i Gole žene - Bicikl
Канџија брка девојки на точак. Класика.
9. Satan Panonski - Slavica
Без коментар - сè знаете.
8. Pro Arte - Bicikl Pony
Фанк за легендарниот Пони, песна од 1978 година. Мили-Милијана, возаш се целог дана...
7. Riblja Čorba – Amsterdam
Некогаш одамна, Бора Чорба не беше четник - барем не се декларираше јавно, како и да е...
Најверојатно не би бил на листава да не напишеше песна за симболите на Амстердам, точак и трева.
6. Nina Romić – Bicikl
Приказна за љубов и раскинување, поврзана со мотив - точак.
5. Senata Fox – Revolution on Two Wheels
Брза и кратка thrashy hard core ствар за револуцијата на две тркала.
4. Vatrogasci - S mog bicikla pala si
Преработка на „Са длана бога пала си“, подобра од оригиналот.
3. Xaxaxa – Ti voziš velosiped
Потлиста кру знае која е причината поради која генерално луѓето во Македонија возат точак – сиромаштија. Па во краткиот опис напишале:
Tko će drugi pretvorit vožnju bicikla u pjesmu o siromaštvu, nego naši najdraži Makedonci. Ali mora se priznati, Xaxaxa to radi najbolje.
2. Haustor – Neobičan dan
Оваа песна е на листава поради еден од највпечатливите стихови на една од најдобрите песни на Хаустор.
Откако Срѓан Сахер, најверојатно единствен во Хрватска, поради авторски права ги тргна сите песни на Хаустор и Вјештице од Јутјуб и други сервисим остана само овој концерт на кој „Необичан Дан“ можете да ја слушнете од 23. минута – се надеваме дека Сахер нема да го види изборов на Потлиста и Окно и нема да го тргне и ова видео за да гревчето си ги заштити авторските правата). Во меѓувреме го тргнал видеото – сериозно. Ама некој го надмудрил (flex).
Haustor - Neobičan dan by mel-cage1
1. Oružjem protivu otmičara – Na biciklu
Ремек дело на „power“ поп музиката на деведесеттите. Тој глас, тие гитари... кој не се заљубил во ОПО не е нормален.
Извор: Потлиста